Ka prvo,neču davat nikakve svoje komentare,samo ču napisat sve ono ča san otu večer čuja,ča se je u kinu i okolo njega komentiralo…
A ko bi nan udovoljija,pa je onda jedniman to sve skupa bilo lipo i tote nebi ništa minjali,drugi bi se dali u režiju i tote bi bili dodavali i oduzimali,a jema i oni ča su ostali zatečeni,jerbo da jin je to sve skupa bilo nedorečeno,pa su cilo vrime čekali kad če ono, zašto su tote i došli, zapravo počet i sriča da su oni sa pozornice rekli da je gotovo,jerbo bi oni bili do ujutro tote stali i čekali,a jema i oni ča su sa velikin upitnikon navr glave izašli,jerbo kako je jedna rekla,da nikako ne more razumit fabulu koja se tote krila?,a ovi jedan mi je samo klimnija glavon,ka ono, da ča ja mislin o svemu,a odma mi je usput reka da če svoje mišljenje zadržat za sebe,pa se onda moglo čut pitanje da zašto je Žuti ogadija Sučurane koji su dobili stanove po Splitu,nisu oni krivi ča nisu bili ote sriče pa da su u Sučurac mogli stan dobit,pa je i normalno da su kako su išli ča i svoje životne navike prominili,selo je selo,a grad je grad i da zašto je cila večer bila o Mati Vlaju,a jema i oni ča su se pitali,a ko je oti Mate Vlaj, pa se o njemu toliko govori,a da neče skoro i knjigu napisat? ili da ča oni ča ojkadu pivadu,ništa ji se ne razumi,a ovi če drugi, da nek napiše u knjigu žalbe,pa če mu drugi put na ekranu prevod ispisat, pa onda da koja je ovo sad nova moda da je pola vrimena publika bila osvitljena,a oni na pozornici bili u sjeni? zašto oni sa dicon ča plačedu ili se grintavo dernjadu ne izađedu vanka,nego maltletiradu sve okolo sebe,a da kako je več završilo,a piše kako je tribalo do devet uri trajat,a di to piše? a na plakatu,aj poj opet pročitat,pa češ vidit da si falija,ono u devet tamo u kafiču počimlje krabuljni ples,šta nema veze sa ovin itd.itd.

PS Jedino ču objasnit zašto je Žuti jema one slušalice na ušiman,a kad su ovi ojkali onda je on posli nji uša na pozornicu sa pitanjen jesu li fermali pivat i skinija ote slušalice. E.