Neču puno komentirat o povorci,ali se moran osvrnit na na točku “Sat muzičke kulture” o kojoj cilo selo priča i večina se slaže da je to bila jedna od najjači točak,a ja bi reka,ne samo od otega dana,nego je to toška koja je u samome plafonu od svi ovi godin od kako su ove novije maškare u nas opet krenile.

Je, ka ča san reka bilo i oni ča su pribotunali,ka npr. da kako je u toj točki titova slika prošla priko cilega sela i kako mi je ovi jedan na mobitel reka da mu je, kad je to vidija,došlo za poč doma i jesi li? nisan,a ma čekaj malo,ovo su maškare i tote onda svašta izađe vanka,a moraš priznat da je ova točka bila jaka,je prizna mi je, dajen cili 100 za Nedu,a za maškare čistu nulu,kako sad to?,a lipo,Neda je ovde nji privela žedne priko vode,a oni su pali na njezinu baketinu,govori on meni,ma čekaj malo koja baketina? nije ovde niko ni dobija ni izgubija,ovde je Neda odglumila,ustvari ne odglumila,ovde je Neda bila to šta je,ovo je ustvari njezin život i mora je završit sa razgovoron,nigdi je prišija, pa mu nisan uspija još reč, da je sa ovon slikon u maškaran Neda poslala jasnu poruku,ja san to šta jesan i niko i ništa me nije i ne more prominit,ovo je bila jasna poruka sviman makakiman u ovi dvadeset i sedan godin koji su zbog svoga osobnoga probitka zgazili sve okolo sebe,neki su,pa čak i dicu,zbog svoga osobnoga probitka zapostavili,koji ka ča je Smoje jedan put bija reka ujutro kad se probudidu pogledadu najpri prema Marjanu koja bandira visi,da znadu kako če se ponašat,a dosta je samo podatak da je tamo početkon devedeseti godin nji (čekaj gren vidit na gugle),a nije puno,nego samo 97000 iz SDP-a prišlo u redove HDZ-a,neš ti,knjižica je knjižica,bilo da je crvena,plava,žuta,kafena,roza na cvitiče ili neznan koje več kolure,ako če se od nje dat koja korist izvuč.

A vidiš ti,dok ovo pišen pa mi je još jedan detaljčič na pamet,npr,zanimljivo je da Neda ne stoji u stanu,več u skučenomen dilu jedne kuče,dok ovi ča san ji malo pri spomenija,koji su najžešči u pljucanju onega prije,u onemu sistemu su uredno dobili stanove i to je puno nji kuče jemalo,a jema i oni ča su stanove,ka bičve minjali,kad bi jin se pitura na zidu išporkala,dok su ovi drugi maštile i to one sa tri uva, latene,morali u sobe mečat, koliko bi jin teklo kad bi kiša padala, i, jeli mi koko more reč,zna li ko kojega od oti, da je doša i reka kako on neče stat u proleterskokomunističkojugoslavenskomen stanu, zafalija se i vratija ključe,zato,bravo za Nedu i točku u maškaran koja je zaslužila čistu peticu.