Jema skoro i misec daan da more goridoli varira,a stanovnici starega dila sela su fizički i psihički iscrpljeni.
Fizički,jerbo moradu činit raznorazne “kerefeke” za iz kuč izač,a pogotovo kasnije,kad se doma vračadu,jerbo kroz vrime koje ji nije bilo,a to more bit i petnajst minuti i po ure,ura vrimena…,a iz kuč kad su izašli mora nije bilo nigdi na vidiku,a po dolasku,jer in je ulica u kojoj se nalazi kuča sad poplavljena moren,a pa se vatadu za mobitele i ako jemadu sriče da jin je koko doma da jin dođe sa čizmaman,dobro,a ako ne,e onda se penjedu po raznorazniman zidičiman i ogradan,a ko nije žvelt i straj ga je činit raznorazne “kerefeke”,izvuje postole,zavrne nogavice i po ovemu ledu onako bos gazi po nepoznatomen terenu,jerbo ko zna na što sve ispod “vode”more nabasat,a da ne spominjen kako se u oviman okolnostiman,izmišadu i raznorazni sadržaji iz kanalizacije,a pa ako se nako bos uspije izvuč da se našto ne nabode,ima mogučnost da se infeta,a da ne govorin o onima ča su popuzli i cili u “oto ništo” upali,a pa se tako dogodilo i jučera ovemu našemu miščaninu (inače je čovik invalid),nije baš u ulici,ali je skliza u jednome dnevnomen boravku,kad je svome susidu kojemu je stan pliva u moru iša pomoč,pa su ga dvojica jedva digla,dobro je proša,ciloga ga je rastreslo,a moglo je bit puno gadno,jerbo je invalid u gornjemu dilu tijela…
I sad,zamislimo nekoga po koga triba doč prva pomoč,a kaleta je pod moren,na koji način bi oni tribali to izvest,a znamo da su u puno slučajev,sekunde bitne,oče zavrnit nogavice i probijat se do bolesnika ili…??

Psihički,oče li i kad če more u kuče uč,oče li ji potopit dokle budedu spavat…,a to se dogodilo jučera ujutro kad je bilo,ča se prodiranja mora u kuče tiče najgore,jerbo je nivo mora u kaletan od ovi spominjani misec daan dosad,bija največi,a sve je počelo okolo tri ure ujutro,ova jedna žena nan je pričala,kako su je mačke došle probudit i kad je otvorila oči,jemala je šta za vidit,kuča puna mora,ovi jedan govori da je okolo četiri ure iša da če u zahod i lipo mu je bilo,onako izasna, kad su mu noge pljuskale po moru,kad je iša da če šlape obuč itd.itd.

Ljudi ča tamo stojidu su ogorčeni,ljuti…nikidan su se našli sa novinariman Slobodne Dalmacije,danas su ji posjetili i oni sa HRT-a,kako su rekli,potpisali su i peticiju i protokolirali je na razne adrese…

Danas:

Ovako je to bilo u nedilju ujutro,jadni ljudi su spašavali ča se spasit da:

A ovo doli je videjo ča ga je jedna miščanka snimila u nedilju ujutro,kad je more bilo na najvišemu nivou u zanji skoro misec daan:

A na ovi doli videjo morete vidit na koji način kroza kalete jedino morete prolazit: