Još tamo prošlu sedmicu doli na Rivu nan je meklo ono nacrtano jaje,pa je odma počelo,a ča je sad ovo i jaje su nan prid izbore mekli,a zanji put je to bilo pri osan godin,a ovi drugi govori da nije nego pri sedan godin,a ma čekaj malo,uključija se treči,ta jaja su nacrtana 2013 godine,sad je ovega napalo,ma vidi pametnjakoviča,sve znaš,a ovi jin je pokaza na enciklopediju (internet) evo na vidi da je napisana 2013 godina,ma biče ti to mobitela ča mi kažiješ bolje zna od mene ča san bija ovde kad ji je pituravalo,govori ovi četvrti i još nadoda kako su dvi godine zaredon jaja bila ovde stavljena,dva jaja,a ne jedno ka sad i to je ono drugo bilo dvaipo puta veče od ovega ča ga je sad meklo,e sad se u razgovor umiša i ovi peti,je li ovo jaje bilo lani,nije,je li bilo pri lani,nije,je li bilo pri pri lani,nije je li bilo… i baš ga je sad meklo ovu godinu kad su do koji dan izbori,ma vidi slučajnosti i pitanje je di bi i sad završilo da na njemu nije kanpanel nacrtan,…Ima toga još za pisat,ali ko če sve ponovit ča je ko reka,nebi mi ni memorija od ondašnjega Zerca bila dovoljna.

A ovo jaje je meklo doli u Novi: