Kako san prolazija doli okolo staroga kanpanela vidin ja da je niko gori i zakoračija je priko koloni nogon ka da če doč vamo sa druge bande ograde i ja se odma uvatija vikat ne bacaj se, ma o čemu se radilo sve se da sredit samo se ti smiri, a usput mi jedan odozdala govori da su se to oni gori popeli za radi ove nike vježbe,a ja ka to neznan, pa onda čuješ onoga odozgara da če se fermat ako mu se sredi lipa penzija itd. itd.,a odo vamo kako san ja ono počeja vikat trče oni stranac ča je vazeja onu kamenu kuču odma do pazara i gleda ča se događa pa je onda opet trča nazad po aparat za to sve slikat.E,a to se činidu pripreme jerbo če petak na našu rivu bit održana javna vatrogasna vježba vatrogasne zajednice grada Kaštili na kojoj če bit naši iz DVD-a Mladost pa DVD-a iz Gomilice DVD-a Kaštila i zračne snage 93. ZB HRZ. I močete gledat kako se sa užen sa kanpanela spašajedu osobe-vatrogasci,pa če te vidit kako se gasidu aute,pa če se moč vidit gašenje broda…i tako če se sutra na našoj rivi puno toga događat i biče zanimljivo jerbo če u vježbu bit uključeni i avijoni i helikopteri i brodi,i ronioci koji če du iskat onoga sa zapaljenoga broda i oni u aute i oni nanoge. Vježba če bit vrlo atraktivna za gledanje pa bi bilo dobro da se zaletite oto i pogledat.
A kad san vidija onega da je prikoračija priko oni koloni na kapanelu odma mi je pala na pamet ona serija u malomen mistu kad je Roko ka vatrogasac bija na onomen balkonu od opčine i spašava tajne spise.

I još ništo, sutra iza podne nemojte parkirat aute na ono cilo područje isprid starega kanpanela i okolo pazara.