Sinoč,govoridu da je to bilo okolo deset uri,sa starega kanpanela se odlomija komad kamena i govoridu da je se to lipo čulo kad je bugnija o pod.

Evo na ove dvi doli slike čete vidit oti dijal šta se odlomija:

Evo na ovu sliku vidite četiri nazovimo kocke,a ova peta šta fali se odlomila i pala:

E odma je bilo da ča čini mjesni odbor,ostačemo bez kanpanela,bonbe je priživija ,a zbog aljkavosti vas iz vlasti srušit če se sam od sebe,ama čekajte malo,koga nas iz vlasti,a svi vas koliko vas ko jema,ajde pak.

Ok,dobro,nisan tija u velike rasprave ulazit,jerbo je danas bilo sve grintavo i naelektrizirano i svi su beštimali,slavali kvragu ovega i onega,spominjala se i ona stara maslina iz Donji Kaštili,važnija jin je ona od našega kanpanela,malo se za nju potrošilo…

A ja za opravdat se jedino mogu reč,kako san u prošlomen sazivu MO-a na prvoj sjednici tražija da stručnjaci pregledadu kanpanejal,jerbo mu po mome laičkomen mišljenju triba sanacija,ali ka ča vidite osta je nakvi ka šta je i bija.

Sad u novome sazivu MO-a tražija san da to bude posebna točka dnevnoga reda i donesena je jednoglasna odluka da nadležna tijela izađedu na teren i procijenidu stanje starega kanpanela kako bi se utvrdilo je li postoji mogučnost urušavanja i je li mu potribna renovacija.

Ovi put očekujen detaljni odgovor iz Grada,a ako ostanu oglušeni nema druge nego da nas petorica koji smo trenutna takozvana večina  “visi” gradonačelniku isprid vrat dok se ovi problem ne uzme u ozbiljno razmatranje i krene u realizaciju sanacije.

Odma triba postavit ogradu okolo kanpanela udaljenu sa svi stran i tri metra od njega,jerbo je pitanje kad če  past koji novi komad stine,a sa istočne strane je uzak prolaz između muzeja i kanpanela kojega triba zatvorit,sa sjeverne strane se parkiradu aute,sa zapadne se isto tako prolazi,,a isprid kanpanela,sa južne strane igradu se dica sa balunon…

Neču puno duljit ni izmišljat teplu vodu,pa čete reč,a vidi sad se pametnjakovič raspisa kad se dogodilo,a za ote koji ne moredu zapantit ni ča je bilo pri sedan daan,ponovit ču dijal od onega šta san sve i otkad več pišen oba tomen problemu.

Počeja san sa iznošenjen ovoga problema  2016 godine

Naslov:
Očemo li ostat bez starega kanpanela?

Postavio:admin Datum:April 1, 2016 1:50 pm

O čemu se radi? Ima več koju godinu da san primjetija kako su na staremu kanpanelu fuge između stin,najpri di koja,a sad sve više,pogotovo na zapadnoj strani od kanpanela cilo vrime ka mokre i to nima veze je li pada ili je padala kiša,je li suvo bez kiše,je li na buru,oli na jugo,lito,zima,jesen,proliče,uvik je između fuug mokro,a da ima mista zabrinutosti pokazalo se kad me je lani,tamo nigdi u osmi misecu u selo trevija jedan naš meštar-zidar (ne priučeni),nego je od prvega dana peka zanat onako kako triba i ka meštar i penziju zaslužija.

I govori on meni da je li ja vidin ča se događa sa kanpanelon,a ne vidin,a da jeli vidin ovo ča je cilo vrime mokro,a to vidin i kako koga u selo pitan da jeli se i njemu čini kako je malo čudno da se ovo vlage pojavljije onda mi reče da ja to umišljan,a baš mi je drago da san sad trevija na ovoga i da nisan ovo umislija,ali po ovemu kako priča bilo bi boje da nije istina,jerbo kako mi on govori,između stinj se uvukla vlaga i sa svakon novon kišon dolazi nova voda koja ni malo ne čini dobro kanpanelu i pitanje je u kakvomen je stanju i ča če sa njin bit,a pitan ja njega,da kako se onda i liti ove fleke isto vididu,kako se od vručine to ne osuši,a on če meni da je to između zidov i da se to puno,puuuno teško suši. I od kako mi je to reka,svaki put kad me opet vidi u selo pita me da kako još nisan ništa o tomen napisa,triba djelovat,a ja njemu,čekaj, neču se ni ja baš zalitat, i vako kad ko ča napišen uvik se krivo protumači,pratin kako to sve gre,oče li se vlaga povuč,a sad vidin i ja da se to nikako ne povlači,nego gre sve šire,pa je vrime da se o tomen javno ništo reče i da se možda stručnjaci okolo toga zabavidu i ispitadu ča se to događa sa našin kanpanelon,ipak san ja lajk,a ne mora bit u pravu ni meštar,ali za maknit bilo kakvu sumnju oko možebitnoga propadanja kanpanela nije na odmet da struka reče svoju!

Naslov:
Očemo li ostat bez starega kanpanela? (drugi put)

Postavio:admin Datum:January 17, 2018 12:44 pm

Nikidan ste mogli pročitat šta su sve Sučurani pritrpili za napravit staru crkvu,a za one šta bi tribali,a možda neznadu,ovi naš kanpanel nije,tamo još jedna građevina iz naše povijesti,več je uz to i spomenik nevinin žrtvan, nastradaliman u bonbardiranju u II Svjeskomen ratu u kojemu je u jednomen danu Sučurac osta bez deset posto stanovnika i more bit sram sve one koji su dopustili da nan je kanpanel danas ovako zapušten.

Lani u četvrti misec pisa san o katastrofalnomen stanju staroga kanpanela o kojemu mi je govorija jedan naš sučurački meštar i objasnija kako nan zbog vode koja cilo vrime prolazi kroz njegove zidove, kanpanel,jednostavno propada,tako da uz oštečenja vidljiva golin okon imamo i nevidljivi oštečenji za koja mi lajci neznamo,a koja bi, kako mi je ovi meštar reka,mogla bit velika opasnost,za ovi naš stari kanpanejal.

Ovo doli je text od četvrtoga niseca prošle godine:
O čemu se radi? Ima več koju godinu da san primjetija kako su na staremu kanpanelu fuge između stin,najpri di koja,a sad sve više,pogotovo na zapadnoj strani od kanpanela cilo vrime ka mokre i to nima veze je li pada ili je padala kiša,je li suvo bez kiše,je li na buru,oli na jugo,lito,zima,jesen,proliče,uvik je između fuug mokro,a da ima mista zabrinutosti pokazalo se kad me je lani,tamo nigdi u osmi misecu u selo trevija jedan naš meštar-zidar (ne priučeni),nego je od prvega dana peka zanat onako kako triba i ka meštar i penziju zaslužija.

I govori on meni da je li ja vidin ča se događa sa kanpanelon,a ne vidin,a da jeli vidin ovo ča je cilo vrime mokro,a to vidin i kako koga u selo pitan da jeli se i njemu čini kako je malo čudno da se ovo vlage pojavljije onda mi reče da ja to umišljan,a baš mi je drago da san sad trevija na ovoga i da nisan ovo umislija,ali po ovemu kako priča bilo bi boje da nije istina,jerbo kako mi on govori,između stinj se uvukla vlaga i sa svakon novon kišon dolazi nova voda koja ni malo ne čini dobro kanpanelu i pitanje je u kakvomen je stanju i ča če sa njin bit,a pitan ja njega,da kako se onda i liti ove fleke isto vididu,kako se od vručine to ne osuši,a on če meni da je to između zidov i da se to puno,puuuno teško suši. I od kako mi je to reka,svaki put kad me opet vidi u selo pita me da kako još nisan ništa o tomen napisa,triba djelovat,a ja njemu,čekaj, neču se ni ja baš zalitat, i vako kad ko ča napišen uvik se krivo protumači,pratin kako to sve gre,oče li se vlaga povuč,a sad vidin i ja da se to nikako ne povlači,nego gre sve šire,pa je vrime da se o tomen javno ništo reče i da se možda stručnjaci okolo toga zabavidu i ispitadu ča se to događa sa našin kanpanelon,ipak san ja lajk,a ne mora bit u pravu ni meštar,ali za maknit bilo kakvu sumnju oko možebitnoga propadanja kanpanela nije na odmet da struka reče svoju!

Naslov:
Stari kanpanejal se ipak počeja urušavat

Postavio:admin Datum:February 2, 2018 10:30 am

Za onega ča mi je, dokle san se vrtija okolo kanpanela i slikava detalje, prisutniman okolo sebe govorija,ma vidi redikula,bi poručija,evo je redikul, u odnosu na toga i slične njemu, našiman “vertikalaman”,po kojiman cilo selo more u anbis propast,slika ono ča more i otomen ka i oniman uz njega sa kanpanela past na glavu,ali šta češ,njima je posal po meni pljuvat,jerbo jin je oto zadatak.
Ali neču sad to,o tomen ču uskoro cili text posvetit.

Evo na oviman doli slikan se more vidit kako se na istočnomen luku odvojila jedna stina,pa bi tribalo reagirat za da nan u selo ne bi Andrija Jarak sa lica mista se dolazija javljat.
Ka ča znate lani san u četvrti misec pisa o mogučemu raspadanju našega kanpanela,vidin da se to nije baš uzelo za ozbiljno,pa san to opet ponovija pri petnajst daan,biče se manilo rukon,ah,ma pusti ga, opet oni redikul ništo po svoju,oče se pravit pametan,a biče zanimljivo vidit ča če se sad dogodit,oče li i na ovo manit rukon.

Malo čudno je da se je ova stina makla iz ležišta,jerbo je ka i ostale učinjena na konus i samostalno stojidu u luku,tako da je čudno da se ovo uopče dogodilo,ali bi to moga bit pokazatelj da je kanpanel možda učinija “škerac”. E ovo nisu moje riči,ja za ono ča ne razumin pitan one ča znan, da o tomen znadu više od mene.

Vidite razmak na ovemu vijencu doli na sliku,sad mi je ovo reka jedan drugi ča se razumi,mala je vjerojatnost da su, kad su kanpanejal činili, ondašnji meštri baš toliko falili i ovoliki razmak učinili,pa se možda stvarno radi o gori spomenutomen škercu?

A na ovoj doli slici se vidi kako je to knap učinjeno:

Naslov:
Je i na drugoj, onoj zapadnoj strani kanpanela je malo popuzla stina

Postavio:admin Datum:February 8, 2018 11:20 amComments

Kako san nikidan pisa da se na onemu istočnomen luku starega kanpanela odvojila jedna konusna stina,tako je jedan (ja mislim) u komentaru napisa da se slično dogodilo i na zapadnu stranu kanpanela.
I bija san odma sam na sebe jidan kako nisan i to uspija uočit,pa san mislija, biče ovi falija,ali pogled kroza teleobjektiv je pokaza da je ipak bija u pravu,a to morete vidit i na slikan.
To je ona stina sa sloviman.
Zapadna strana kanpanela,popuzla je stina koja se nalazi sjevero od one sridnje stine:

Istočna strana kanpanela,popuzla je stina koja se nalazi južno od one sridnje stine:

I na kraju evo za žuntu,na ovoj istočnoj strani je niko maka mrižu ča je branila goluboviman da ulazidu u unutrašnjost kanpanela pa bi i to tribalo sredit.

A ovako bi to tribalo bit: