Pridučera je jedan na rivu diga veliku graju pošto je dobija račun od smeča od Zelenoga i Modroga i govori da mu je za devedesatak posto veči od dosadašnjega,a pošto je jedini od nas koji smo tote bili dobija račun,nismo ga ozbiljno ni svatili,mislili smo da laže,a on vadi račun iz žepa i sa njin maše,evo na, ča lažen, bip,biiip,bip,biiip,bilo je beštimlji i zvanja na mobitele doma za vidit je li još koko dobija račun,nije niko.

Ali je zato jučera u selu bila kulminacija od razni beštimlji ča ji, moran priznat u ovo moji godin, lipi dijal nji još nisan čuja,a morat ču ji zapisat.
E to je bila prava kanonada od beštimanja,spominjalo se i bip-bipa,pa onda biiiip-bipija i sve ostalo ča sad o tomen jučerašnjemu danu provedenomen u selu mogu pisat jedino u bip-bipu,jerbo je u selu opči kaos,ovakva grinta,počevši od oni mlađi,pa sve do oni stariji,odavna nije zabilježena.

E a sad ka po običaju gre i pitanje,da ča mi u Mjesnomen Odboru radimo,ča čako ne učinimo,oli čemo samo formu činit?

Fermaje me jedan na Kajinomen brigu,e ti iz Odbora,hm,ča je sad,a vidi račun,(maše sa računon od zelenoga i modroga)ovo nije normalno kako mi račun može bit veči skoro pa duplo od prije,a Čistoča je misečno jemala dvanajst odvozi,a ovi sad su napisali da ču jemat osan,zna li mi ko objasnit po kojoj je ovo računici napravljeno,e,a dokle se ja pričan sa ovin,dolazi nika žena sa pason pa se ispričava di ovako upada,ali nas je čula o čemu govorimo i ona je cila grintava,ovo je sramota,govori da je zvala ove iz Zelenoga i Modroga da jon objasnidu o čemu se radi,ali niko se ne javlja,a to čak i ja mogu potvrdit,jerbo san u utorak bija kod jedne osobe koja je od mene tražila nike informacije jerbo san ja ka u “vlasti”,pa san joj reka da neka zove ove u Zeleno i Modro i u nikoliko navrati je provala,mekla na zvučnik,ali tamo je zvonilo,a niko se nije javlja,a onda, ovi jedan usput je dobacija,da kako ovi iz Kaštili moredu slavat račune kad u nas još uvik odvozi Čistoča,a i ovo stoji,jerbo san baš jučera Kaštelanskon ceston vozija iza njiovoga kamijona koji je praznija smeče i na Lučicu i navr anbulante i na Gospicu…

Evo smo mi ka oporba u Mjesnomen Odboru od presjednika sinoč tražili da zbog novonastale situacije hitno sazove sjednicu,pa čemo vidit oče li?

A ča se mene tiče,još uvik nisan dobija ni oni prvi upitnik,a ni račun,a veselin se ka malo dite novoj “zvečki” puno toga mene iz otega upitnika interesira,ali o tom po tom,kad bude čut čete