I ove godine je bija ka ča je to več dugogodišnja tradicija samo oni desni bakalar,Matelin i to na brujet i oni na bilo,dokle se je oni livi bakalar ča su ga, ka ča se to po selu govori, na sve načine tili nametnit, jednostavno udunija,evo več druga godina kako ga nima,moreš ti jemat pinez i kupit deset kili bakalara i skupit dičicu iz razni udrug da ti činidu štimung, i donit razglas s kojega češ puštat Božične pisme,ali to nije to,nima tote ono ča se reče šuga,a kod Matele je to ka obiteljska atmosvera,ljudi se osječadu ka da su doma, neka je i ovi put bilo oni ča su se na strateška mista razmistili za vidit ko je tote,a pravo da rečen,nisan ni iša za otin dokle mi ovi jedan nije upra prston u jednoga desetak metri dalje,a ovi do njega upire prston u drugomen smjeru i govori,a vidi onega i diže čašu sa vinon i nako iz daljine mu nazdravlja,da neka zna da on zna ča tote radi,e,a,bar ovi put ljudiman nije bilo neugodno,jerbo su dosad pojedini odili i vamo i tamo,ča oče reč da bi jili i oni livi i desni bakalar,nije lako na dvi stolice sidit,ali jema ji i to u velikomen broju,triba se prižentat,ča ti znaš ko če i di če sutra bit. E.