U subotu je Sučurački puk učinija križni put od Gospe na Hladi do crkvice Sv. Jurja na Putalju. O tomen ča se po selu govori ko je nosija križ,koliko je bilo svita,kako je ko bija obučen,ko je koga ogovara,ko nije bija,a triba je bit ili ko je bija,a nije triba bit,…,neču,jer kad bi se uvatija o tomen pisat nebi se do sutra zaustavija,ali eto,napomenit ču ništo ča se o tomen kad je križni put u pitanju ne govori,jer oti ča volidu govorit oto i neznadu,a vrlo je bitno,jer za da bi se križni put održa triba napravit određene pred radnje,jer godina dan je veliki vrimenski razmak i put kojin se triba do gori doč lipi dijal zareste, pa to triba izjaštrit,a i križe uz put niko triba stavit,kasnije i pokupit,a i crkvicu triba sredit,bandiru obisit,ča je ovu godinu bija veliki podvig popet se na skale, jer je tako puvalo da su je jedva mekli(kako je puvalo osin po bandiri,vidičete po jednoj maloj na slici kako joj nosi kosu),e,a te sve (ča ji nazivadu neš ti poslove) triba učinit,a to sve ovi godin, čini jedna grupica ljudi-bivši branitelji, kojima evo ovin puten zafalijen na trudu kojega činidu.