Danas se okolo ure ipo na semaforu kraj Osnovne škole dogodila sobračajna nesriča. Ča se točno dogodilo neznan,to če utvrdit oni kojiman je to posal, ali, pošto su semafori radili onda je očito da je niko proša onda kad nije triba. E i sad,pošto je to bilo u vrime kad dica gredu u školu puno je roditelji,tet,did,bab…trčalo za vidit ča se dogodilo i u panici odma pitalo jeli koje dite stradalo? i opet se otvara pitanje sigurnosti dice na cestaman okolo škole,reče koko,evo ga opet,e, evo mene opet,jerbo ovo nije prvi put u jedanajesti misec 2014 godine tote je isto bija sudar,u dvanajesti misec 2015 godine niko je auton udrija u semafor sa južne bande di je bila funtana,pa je bilo da se jedan sa auton popeja na donji dijal korniža navr škole di je autobusna stanica,pa je jednu učenicu udrila auta na pješački navr škole…i kad san na jednomen od sastanak u Opčini pridlaga da bi bilo dobro za usporit aute, gori na cestu meknit “ležeče”onda mi je objašnjeno da to nikako ne more,a npr.na zadarskomen području kad san ovo lito bija, ote ležeče morete nač na tkz.bivšoj Magistrali npr. od Biograda pa do Zadra,di je ko škola promet se do maksimuma usporaje,pa bi bilo dobro vidit ča se u nas po tomen pitanju da napravit,jer kad se dogodi onda je kasno. (više o tome upišite naslov “Udrija auton u semafor”)(jerbo se puno puti, ka ča su ljudi ča su se danas skupili,a tote stojidu rekli, da se za uvatit zeleno,”leti”,a ne vozi)
Tribali ste samo danas vidit ljude ča su poslali dicu u školu,a koji kad su čuli za nesriču došli, koje su “ledeno” lice imali. I još jedan put apeliran da se učini sve za da bi ceste oko škole sredili tako da nan dica budedu šta sigurnija.

Sudar u jedanajesti misec 2014 godine:

Niko je udrija u semafor 2015 u dvanajesti misec:

Danas: