U Kaštel Sučurcu na Magistrali, Gradskoj cesti oli Brzoj cesti ili kako li se sad točno zove neznan,točno na lokaciji šta je vidite na slici,a to Van je tamo jednu desetak petnajst metri od onega podvožnjaka ča zimi poplavi,e ali događaj je bija na gornjemu dilu ča oče reč nadvožnjaku di je jedna auta vozeči se iz pravca Sučurca prema Splitu zalutala u krivi smjer šta oče reč da je zamisto da je iša južnin trakon ceste šta gre prema Splitu iša je sjevernin trakon koji je ustvari trak za odit u Kaštila.
Škriiiiiip čulo se najedan put kako koči jednu dvadeset aut,a ja i ovi ča su bili okolo mene gledamo ča se događa,kad najedan put ovi ča je bija prvi u koloni iz pravca Splita izlazi iz aute i zlamenjije se,a di neče kad nasuprot njemu iz pravca Kaštili prema Splitu gre jedan sa auton i ča je je pratija je desnu stranu,šta oče reč vozija je onon preticajnon trakon. Ma sriča da se je sve dobro završilo, obe kolone su stale na mistu dok se ovi sa auton nije okrenija nazad i nakon par minuti sve se vratilo u normalu.
Zato pazite kad ste za volanon i ono šta Van nikad ne bi palo napamet da se more dogodit u prometu se zna dogodit.