Gori na groblju moredu se vidit tragovi od gum, a po tragoviman se vidi kako su sa motoriman i uza skale odili,a govori mi ovi kako je jedan naš Sučuranin uvatija gori dvojicu na motoriman kako se vozikadu i da ji je potira i na nji vika,ali kad malo bolje pogledaš,a ča to njiman znači da je ko na nji zbog toga vika,ka da če ji to šta pogodit,jer kad su bili u stanju činit to ča jesu,tote di jesu,e onda se stvarno moramo zapitat,a ča se ovo događa i di ovo sve skupa gre.

A največi problem u našemu školstvu kojega su detektirali je oti, kako u škole nikako ne smi građanski odgoj zaživit,bilo je u doba komunizma puno više problematičniji momak nego sad,ma su se znale granice,a sad ji kako vidimo nima.

Ali dobro,reče se ča je tu je,a sad jedino moremo vidit šta napravit pa da se ovako ništo više ne događa,a jedino šta preostaje je postavit neke fizičke prepreke pa da se ovo ili ništo slično više ne ponovi,a na redu su ovi iz Grada koji pod hitno tribaju reagirat.

Evo na ove doli slike morete vidit crne tragove od gum…