U odnosu na lani kad nisi moga ni po ure normalno brat,jerbo bi se uvatila kiša padat,pa bi triba pobignit,pa se opet nakon petnajst minuti vratit i tako cilo vrime,a od mokri gran bija bi cili mokar,a urod bija rekordan,ča ga puno nji ne pamti takvoga,ovu godinu se u kratke rukave bralo,na tenperaturi okolo dvadeset i dva stupnja,a urod tu nigdi okolo četvrtine u odnosu na onega prošlogodišnjega,a u odnosu…

U odnosu na lani, ovu godinu maslinu nisu napali nikakvi crvi,muje i ostala gamad,je bilo kritično ča se tiče suše pa su bile cile smežurane,ali ona kiša pri dvadesetak daan je pala u pravo vrime i plod se lipo popunija,a i jema ji.

Doša u banku,na poštu, kod likara, u pekaru,uša u autobus ili učinija đir priko rive svugdi čuješ samo priču o maslinan koliko ji je u odnosu na lani, jesu li stradale, koliko su kili platile i ulja dale,a kroza štanpu, televizije i radija govoridu da je ova godina šta se tiče roda puno manja,čak upola od prošlogodišnje i da su masline makane ča od muje,nikoga rilca ovega ili onega. Ovi…