Jučera,na Badnji dan Matela je tradicionalno dilija oni desni bakalar,onega livoga odavna več nima,brzo ji je štufalo. Ali,zbog situacije s korona viruson,ovi put je to sve bilo drugačije,pridržavanje mir je bilo obavezno,nije bilo ka po običaju sest za stol i jist,nego kako bi ko dobija porciju,po izboru,onega na bilo,na brujet ili makarune sa bakalaron u ono plastične škatule tako bi iša ča,ali bilo kako bilo,uza sve ove nedače šta su…

Več je to ušlo u tradiciju da Ivan na Badnjak učini bakalar i počasti Sučurane,a i ove,ka i prošli godin,moglo se guštat u onemu na brujet i na bilo učinjenomen,a da je oti bakalar bija dobro učinjen,znak je da su teče vrlo brzo ostale prazne,pa se na kraju i dno sa teče strugalo.A uz bakalar je tote bilo i fritul,a sve to se moglo zalit sa lipin Matelinin vinon.

I ovu se godinu tradicionalno na badnjak doli na rivu u Matele dilija bakalar,oni na bilo i oni na brujet,a bome planija je ka šunferina,dokle san dolazija počeli su odma vikat da san okasnija,asti,a kud ga je prije izilo,moga san samo slikat polizane teče i zadovoljne goste koji su nakon spize i dobroga Matelinoga vina zapivali.