Pa onda jema oni ča mi govoridu da ne mogu to napravit,poč ča, napustit ono ča se reče bojište,triba sa „njiman“ žestoko,ovi jedan je bija najžešči,pa mi govori,a zamisli da san ja kad je bija rat bacija pušku i reka ovi tamo jemadu više oružja od nas,ne moremo ji pobijedit,a ovi drugi,da neka ne gren jer oni jedva čekadu da gren ča i da če sad ispast kako su „oni“…

Fermaje mene jedan jutros u selo i počeja, znaš na Mjesnomen Odboru,a dokle je on to govorija,ja san ga slava na određeno misto skupa sa otin odboron,a on me zaustavlja,ma čekaj da ti rečen,jema par kup ča su se odvojile pa napiši da to sredidu,a ne triba ni spominjat da je to baš vamo na zapadnu stranu di ljudi cilo vrime prolazidu,a popodne i uvečer je krcato dice ča tote…