Dvi kamene ploče na onoj šetnici na našoj rivi su podinute,pa bi ji tribalo,ako ne radi toga da koko od nas ne šundra nogu,onda bar zbog toga ča če ove ploče uletit u more,pa onda nove kad dođedu. Ma zanimljivo je da je vako od one zanje Garbinade i cilo vrime smo govorili doče koko,doče koko,a ma niko da se siti oto popravit?

Doli na Sokolanu je ka ča vidite na slikan raspukla riva i ovde triba pod hitno reagirat i meknit ogradu jerbo bi se moglo dogodit da če koko skupa sa ovin napuknutin dilon odletit u more i neče se lipo proč. Jema več skoro i četiri godine da se na ovo misto riva počela pomalo odvajat, i ovi odvojeni dijal do mora  učinija je škerac u odnosu prema površini rive…