Prije:

Napokon je i Sučurac doša na red.U sridu i četvrtak je napokon krenilo sa kidanjen osušeni palmi,pa san mislija kako če u petak nastavit i sredit još one tri ča su ostale na Gojači,ali nisu,zašto nisu ko zna? Ima bit da san loše mislija kako je i Sučurac doša na red? Nije valjda kako se ovo ča se okinilo napravilo zbog pritiska na društveniman mrižan? Ovo je sređeno u sridu:…

Ka ča su i rekli došli su sa bageron i otukli koliko su mogli ono panja ča je ostalo od palme,ali ništa bez mašklina,pa je tako žile koje su ostale Vili potaraca,nasuja zemlju i posija na oto misto travu.

Uvatija se Vili žestoko tuč po onemu panju od palme i naumija ga je skresat na desetak centimetri ispod zemlje. Tija je on da ovi ča su palmu ispilali idedu još malo doli,lipo jin je on to okolo okopa,ali tehnički jednostavno nije bilo izvedivo,eto,bar su mu odozgara to na fite nikako iskidali,a onda se Vili uvatija mašklina i počeja po tomen tuč,a mašklin odskače ka da u gumu tuče,a sa…

Cemex je na površinama okolo oni zgrad na Gospici uklonija ostatke od palmi ča ji je napala Palmina Pipa i usput su još ošišali onu jedinu ča je još ostala,a kad se ispilala prva grana jemalo se ča i vidit. I otu ča izgleda zdravo je isto tako napala ota Pipa,a stručnjaci su govorili da je odote dvi jedna bila muška,a druga ženska palma,a da ota Pipa,neznan sad koju,ali napada…

A zato jerbo ji je straj da ova palma ne padne i koga poklopi,a čin učini vrime odma čedu ji maknit isto ka i onu jednu palmu isprid one dvi zgrade ča se nalazidu ispod ovi,a to če učinit Cemex jerbo je jedan i drugi prostor njiov.

Vidili ste nikidan ča su one bube učinile palmi isprid škole,sataru je tako da u sredini ostane sama pilotina i onda jednostavno padne sama od sebe,e,a sad pošto znamo da Marfi nikad ne spava (mislin na Marfijev zakon),mala je vjerojatnost da se pri padanju oti palmi neče dogodit koja dežgracija i da neče koga poklopit,ali zato triba ono ča se reče,radit preventivno i sve one palme ča su se osušile…

A zato jerbo se je skidala jedna palma koju je obrstila ona Pipa,pa je postojala mogučnost da se zbog gnjileži deblo samo od sebe sruši,a pošto je ovo bija malo bebaviji posal i ovi put je to obavija Spliski alpinista Ivica Matković,dokle su policija i Komunalni redari regulirali promet i pazili na sigurnost pješaka koji su tote prolazili.

Večeras su na Gospicu okolo devet manje kvarat radnici Parkov i nasadi iz Splita polivali one dvi palme na Gospicu,a posli i one dvi tamo di je bila stanica od Duje,pa je niki tamo sa balkona na nji vika.Prije toga su polivali i doli u selo. Kako su rekli polivali su protiv one Palmine pipe,e sad, kad se vidi da je tamo na istok možda dvadesetak metri udaljena palma koja…