A to sad razbijedu da bidu,napokon,napravili kosine za da bi ljudi sa koliciman,ka i oni stariji,a i svi ostali ča jemadu problema sa gnjatiman,koliniman,kukoviman…mogli bez priskakanja skalini od korniža prilazit priko zebri.Samo se nadan da čedu ovin potezon,kad su se več uvatili, sve ono ča tribadu,a tiče se pješaci i preprek,učinit.E.    

Nikidan mi jedan naš iz sela šalje emajliranu poruku kako je nanoge prolazija tamo di je podvožnjak u Krtine i zanimljivo je da uopče nima pješačkoga prilaza i još je nadoda da biče ja to več znan,a zva ja njega na mobitel i govorin mu da neznan,jerbo nikad tote nisan nanoge odija,a ovako kad si u auti ne greš za otin,a onda u razgovoru sa njin mi je palo napamet,asti,a…

Jema več niko vrime,a i jutros je isto tako policija zaustavljala ljude koji su prilazili cestu tamo kraj bivšega stajališta od “Duje”.Ovome jutros ča san s njin razgovara samo je uzelo podatke i pošto mu je prvi put proša je sa opomenon,a ponovni isti prekršaj povlači za sebon i kaznu. Pošto su tote stacionirana dva dučana sa meson,pekara i velika samoposluga cilo vrime na tomen potezu priko ceste prolazi puuuno…