Danas smo bili svjedoci prometnomen kolapsu zbog kojega je lipi dijal dana sve bilo blokirano,a u nas u Sučurcu sa Magistrale su se aute spuštale na Kaštelansku cestu,pa kad bi došli do Gospice i vidili gužvu od aut ča se protezala put Splita,onda su odili desno,pa vozili kroza selo,nema di ji nije bilo,svugdi su tražili izlaz iz ovega kolapsa,za da bi na kraju svatili kako ipak moradu stat u kolonu…

Puno nas koji smo za volanon izbjegajemo ulazit u selo onon ulicon od nove anbulante pa do stare anbulante jerbo pošto su uza sjevernu bandu parkirane aute znači da si u slipoj traci i cilo vrime se moraš micat u stranu i propuštat onega ča gre iz pravca stare anbulante prema novoj anbulanti,a puno puti baš od parkirani aut se ne moreš ni turnit u stranu pa onda počinje nervoza,trubljenje,mavanje…