Jučera kad san doša na rivu odma je bilo prston put rupe kako je zakrpilo i da je nji pet došlo,a onda priče kako je ovi urgira,nije zbog toga,nego ovoga drugoga,a ko zna bili oto rupe i zatrpalo da jučera nisu bili u selo za asvaltirat oni kanal navr anbulante,pa je eto ostala koja lopata materijala i za ovo rupe zatrpat.

Onu rupu na Rimskomen putu su zakrpili,ali sad mora uslijedit ono ali,koliko se ja malo,ali saaamo malo razumin,ovo se nije učinilo kako triba,ne more se podlokana rupa samo zatrpat i bacit malo asvalta,pošto se zna kako je ovo “trusno”područje,jer je na ovo misto več nikoliko puti pucala cijev,a zanje pucanje pedesetak metri uzgor ča je bilo pri dvadesetak daan,je najvjerovatnije i uzrokovalo ovo propadanje jer je dijal sadržaja teka vanka…

Prisinoč san pisa o onemu problemu sa ulegnučen asvalta ča jema več dugo vrimena,a dosad niko nije reagira i eto,reagirali su,jučera je meklo asvalat i ulegnuče zakrpilo. A šta je ispod ovoga,a je li dosta samo asvalat meknit? Ka ča san pisa,par metri uzgor čovik je sa auton uletija u Tunbin,jer se isto tako rupa otvorila,a sad,koliko je ovo misto siguro,neznan,ali se nadan kako čedu ovu situaciju pratit i ako…

Jučera je na Rivu u onu rupu bacilo asvalat,tako da nima više upadanja,a cila akcija trajala je okolo pet minuti,isto tako dva dana pri sredili su i one rupe okolo šahte na cesti navr škole. riva

Pa onda kad napišen,evo mu opet ništo smeta,ali nema veze,ja ču i dalje pisat,a vi me ne obadajite,a doli na Rivu,navr oni kontejneri nalazi se rupa u koju kola od auut obavezno upadadu,pješaci isto tako,a samo triba dvi-tri lopate onega suvega asvalta ubacit i to je to. Ali očito je kako je misec daan,mali period,možda triba proč tri,četiri,pet…miseci,kad če umisto sadašnji 56X48 centimetri,promjer bit kvadratni metar??