Svrstali smo se uz bok sa Bolon i ostaliman turističkiman destinacijan,evo npr. na Bolu se ljudi kupadu usrid sride luke,di izlazidu ulazidu brodovi,a nikidan u naše selo vidin ispod crikve kako se stranci kupadu,samo ča je u odnosu na druga mista,npr.Bolu,ovde di su se ovi momci kupali,na dvadesetak metri dalje ispust od kanalizacije di nas svakodnevno znadu vizualno i mirison uveseljavat govna koja tote izlazidu,ali eto,bar je sriča da dokle…

A jeli to baš tako? Evo na ove momke ča čete ji vidit na slike,tribalo bi se ugledat tri dila sela,najpri san se pita zašto su izabrali baš ovo misto kraj kontejneri za da bi mogli picu izist,a onda san vidija,da su,kako su izili picu,škatulu u kojoj je bila mekli u kontejner od karte,kesicu i bocu od soka,stavili su u oni žuti kontejner od plastike,imali su problem,nisu znali di če…

I sad neka koko reče kako niko ne vodi računa o našoj Rivi,a vidi srčeko šta su ga metili,a ča bi ovo tribalo predstavljat,ovemu jednomen paridu ka dvi velike zmije koje su se sa glavan spojile u sredinu,dugo če durat,baš ga je na lipo misto metilo,više od po šetnice mista je zauzelo,a po noči u mraku če se koko gadno priko njega slomit,oli če koko biciklon,na rošule ili romobilon u…

Je turistiman u nas dobro,lipo mukte boravidu. Kako mukte,pa biče bar kupidu štako spize,je ka i mi kad idemo na skijanje sa punima portapaciman teeč sa sarman.

Po našemu selu svaki dan moreš vidit nike nove furešte,moga bi to bit nagovještaj kako če nan ovo lito bit puno bolje od onega lani? Ovi gospodin u livomen kantunu od slike je slučajno upa u kadar:

To je bilo jučera u nedilju,a kako smo mogli od rani uri pratit gužve na granicaman za ulazak u Hrvasku,jedan se odma sitija pa govori,a da nisu došli glasat,asti,pa ovo su slovenske registracije,ne dolazidu nan sa zapada glasat,več sa istoka… Bome je lipo aut bilo,ljubljanski registracij,oni iz Kranja,Maribora i svi su sa sebon jemali bicikle,a krajnja destinacija jin na žalost, nije bilo naše selo, več su se zaustavili na mujal…

Nakon ča su cili dan bili zabavljeni pustiman sadržajiman u našemu selu,popodne su lipo na rivu počinili, jer, sutra je novi dan.

Naravno,ove dvi na biciklan to su pitale na stranjskomen jeziku,ali to nije nikakvi problem,bilo da je to japanski,kineski,korejanski,malteški,eskimski…, sviman če ko svrati u naše misto bit objašnjeno ča kud i kako tribadu,a ne mali broj puti maše se i rukan i nogan,pa su tako i ove dvi na biciklan dobile upute kako doč do onoga ča iščedu. “Evo vako,najpri se sad uputite rivon put crikve,pa na bogenu kraj Bobisa ajte…