Sučuračka Udruga navijači Hajduka je u petak učinila Hajdučku noč i visoko podigla ljestvicu za buduče fešte koje če se ovo lito u našemu selu događat,bilo je tote i čovapčiči i tunjevine,one sa gradel,a isto tako i na pašticadu,a za crni rižot kad je bija gotov,se odma fila stvorila,bila je i lutrija,di se moga dobit Sučurački navijački šal,majica od Udruge navijači iz našega sela,pršut,originalni dres Ajduka,a zanimljivo je da su se brojevi od lutrije čitali i na ingleškomen,jerbo je bilo krcato stranoga svita,a za ovi Ajdukov dres bilo je vike,nemoj oti broj čitat na ingleški,več samo po naši…na kraju je dres ipak dobija naš čovik,a onda su nakon lutrije na red za darove došla dica,dililo se u svi šesnajst,ka da je Dida mraz doša,a dica su isto tako imala i druženje sa Ricon,trčali su za njin po ciloj Gojači,koliko se sa njin slikalo,od pustega blicavanja če mu se bidnomen duže vrime mantat,a to sve na kraju začinilo se sa spektakularnon bakljadon,dimijadon i vatrometon koji je pri samome kraju bija takvi da ga u selo dosad nije bilo,e a na samome kraju ostavija san mužiku,a to je bija raj za uši,jerbo je prisutne koji je bilo čudo,zabavljala ni više ni manje,nego grupa Viva,koja je ovde na našemu području u samome vrju,top.
Eto.