Google
184

A znate li ča je bilo na današnji dan pri sedamnajst godin?

Datum:July 9, 2018 11:47 am
Comments
Komentiraj

A bija je ponediljak i finale Vinbledona kojega je osvojija Goran Ivaniševič. I nima koja svjeska televizija i novina to nije prinila,a oni koji vanka imadu koga svoga na kučne adrese dobivali su razne isječke iz novin o tome događaju ka ča če te moč vidit dva iz Čikago Tribuna,a isto tako jeman i par slik kako je to izgledalo u Splitu koji je Ivaniševiču napravija spektakularni doček di se skupilo okolo stopedeset iljad svita,a u moru odisprid rive jednu trista brodic,a kad je to sve vidija Goran nije zna ča če od sriče činit pa je sa sebe počeja skidat sve ča jema i ita ljudiman u publiku koji su se gracali za otin i na kraju osta samo u mudantaman. A sičan se oti dan koliko je svita bilo da san fiču ostavija gori kraj bivše Jugoplastike i popeja se na kanpanejal o Sv. Duje za odozgara uvatit kako je to bilo i onda san saša da ču poč doli do rive ma nisan uspija jerbo je grad bija u totalnoj blokadi puna Marmontova,pune Prokurative,puna Matejuška,puno na gatu isprid Kapetanije,tako da na rivu sa nijedne bande nisan uspija doč jerbo je to bila taka gužva koju nikad u životu na oto misto nisan vidija,to je ono bukvalno ča se reče sta čovik do čovika zbijeni ka sardine da ni igla na pod nije mogla past.
img408
img407 img406
img409
img404
Slike 16270
Slike 16271

 

Ispeci pa reci:

Komentiraj

Prethodni post:

Slijedeći post: