Tako je to kroz život,nikad ne moreš svi od bote namirit,a tako je to bilo i prošli nikoliko dan kad je bilo nadprosječno vruče čemu je doprinila južina koja se uvatila ka luda puvat,tako da je bilo oni ča su odma ujutro čin bi se digli mrzili sebe i sve okolo,nikomen ništa nisi moga reč,svi su bili nikako grintavi,pusti me stat,a oni ča su išli na more se malo rasfriškat jugo je italo suncobrane,dizalo valove zbog čega je opet bilo brontulanja,ali jema oni ča su ovako jaki vitar jedva čekali. Daskaši su ote dane došli na svoje i ono ča se reče guštali ka mala dica tako da si dok su se na valoviman vozikali moga čut uzvike oduševljenja,jupiiiii,eeeeeee,juhuuuu…,u nji nije bilo niti malo grinte.