Iša san danas u jednu,ma nazovimo je ustanovu odnit niku kartušinu da mi tinbra protokolarni broj,a jedan od oni troje ča je bilo u kancelariji mi govori da moradu svakoj stranci mirit fibru,pa je u me uperija ono plastičnoga toplomjera ča na daljinu kažije koliko si tepal,a brojevi su ispisali trideset i osan manje dvi i odma su me počeli nikako čudno gledat,vidin ja koja je ura,pa jin govorin,evo vama ova karta,a ja ču vanka čekat da bude gotovo i usput ji pitan,da jesu li oni siguri da jin oto naprave kažije baš onako kako triba,a da baš i nisu,a i ja mislin da oto čudo falije,jer je očito da to kažije trenutnu tenperaturu kože,a ne tijela,jerbo san se za doč dotle drnda jednu dvadesetak minuti u fiči, kojemu je klima leptir staklo,a vanka je bilo +32,ma san isto jedva čeka za doč doma,jerbo mi nikako iz glave nije izlazila ota fibra ča je ono naprave pokazalo i vazeja ja oni stari dobri toplomjer i nakon jednu šest sedan minuti gledan, kad ono trideset i šest sa šest,e i sad nisan ja prvi ča mu se ovo dogodilo,priča mi je jedan pri desetak daan kako je sa čeron iša u bolnicu na niki pregled i isto tako jin je uperilo napravu sličnu ovoj ka i meni i njemu je pokazalo da je sve u redu,a maloj da je prišlo trideset i sedan i nije ji tilo pustit,pa mi je reka da su tenperaturu spustili na način da se par puti umila i popila ledeni sok,pa je nakon petnajestak minuti sve bilo u redu,fibra je pala,a mirenje fibre na ovi način nan ukazuje da imamo problem jer zbog nepreciznosti ovakvi naprav ljudi moredu uletit u velike probleme,pa ispada da bi u ovakviman situacijan najbolje bilo sa sebon nosit oni staromodni toplomjer.Ča je sigurno,sigurno.