Jema i sedan daan da mi je jedan u selo reka da neka gren vidit ogradu isprid vrtiča kako stoji.I ja san iša,obaigra cili vrtič i nikakvu anomaliju ča se ograde tiče nisan moga nač,a razlog tomen je ča san ja iša u dičji vrtič Neven,jerbo me je on trevija kraj kina,a dolazija je auton odozdala iz pravca Gojače,a pošto mu je dite bilo u auti,svatija san da ga je oto pokupija iz vrtiča.
I vidin ja otega pri dva dana,pa me pita da kako nisan ništa meka,a ča ču meknit kad nisan ništa vidija,a da kako nisan,a lipo nisan,e i onda smo kroza razgovor došli do toga da san ja iša u krivi vrtič.

Pa mi govori kako su tote okolo Maginje ništo radili,a jema dosta da ji nima,a dijal ograde cilo vrime stoji rastvoren,a Kaštelanska cesta je na dva metra odatle i nije mu jasno,ako je več tribalo radniciman za obavljanje radov otvorit oti dijal ograde,zašto posli svoga radnoga vrimena ne naslonidu otu ogradu na misto i ako jin još tote triba prolazit onda je privremeno vežedu žicon?
A zašto,zašto? A eto zato. A i ča ti misliš kad ja sad ovo napišen da če se ota ograda odma meknit? A znaš li ti da če onda ispast da su je mekli zato ča san ja oto napisa.A to nije baš dobro.