Evo su i ovde okolo tobogana u parku napokon počeli radovi,pa dica više nebi tribala iskričat noge i padat priko betonski ostatak ča viridu iz zemlje,niti nosit čizme koliko bi se vode,a i blata nakon kiše tote znalo učinit.A sad svi postavljadu pitanje,oče li se kad se več uređije, doli meknit i gumena podloga,a ne samo nalit beton? A o tomen sad nečemo. Neka to ostane ka iznenađenje.

Jema nikoliko godin da se govori da bi ovde tribalo meknit ležeči i pješački,jerbo je ovo glavni koridor kad dica priko marende trčedu za kupit marendu,a i stariji svit vuče noge,ne moredu više brzo odit,a aute iz pravca Varoša prema nizdol tako brzo gredu da je puno puti bilo škripe kočnic i zaustavljanja u zanji čas,a eto nakon pustoga upiranja sa svi stran,ovega i onega,napokon smo dočekali i ti dan…