Jutros se počelo sa radovima okolo temelji starega kanpanela di se mičedu one tikvurine i radidu stope za šentade ča če tot okolo doč. Evo vana na slike,a za ostalo texta ča se sve jutros govorilo čete pričekat jerbo ja gren na rivu. Evo me na. Zanimljivo je to jutros bilo u nas na rivu kad se je počelo sa radovima okolo uklanjanja tikvurin,bubamar … ili kako ji je sve ko naziva,ali večina ji je složna u tome da je to onako šareno opiturano parilo ka cirkus,jedan veliki kič i svi su žugali kad če se to više maknit. E sad, jutros kad se to počelo mačinjat i kad se čulo da čedu doč klupe onda opet nevalja. Da zašto se gre trošit na klupe kad su i ove ča ji sad jemamo prazne,da oli u ovo vrime prid blagdane nije bilo prilišnije dat onima kojiman je to potriba nego to radit,da oli jin lajedu, zašto se nisu mekli stupiči i između rasteglo lanac ča bi došlo jeftinije nego ovo ča sad radidu,reka je jedan kad je vidija kolike se stope bužadu za temelje od klup da oli čedu tribine činit i da zašto se uopče na ovo čekalo godinu dan i da oče li se još toliko čekat za sredit promet prema mulu koji je posli zatvaranja prostora nad temeljiman crkve posta dvosmjerna ulica,a svjedoci smo svakodnevnoga krkljanca zbog parkirani aut tako da se ne more redovito niti smeče odvozit i da ko je maka oni znak ča je tot bija sta da je zabranjeno parkiranje,ustvari,vlada jedno veliko negodovanje okolo toga zašto je “neko” dopustija kaos na tome prostoru?