Ka po običaju tamo okolo podne kad se triba počet dilit fažol u jedan put je počela strka i guranje uz nezaobilazno karanje,ča je, ča me guraš? ajde kvragu ti i ko te gura,guraju ovi izad mene,dobro je guraju oni tebe,ali ča ti guraš mene,a je li čuješ da…,a vidi onoga di češ vraga izija šta smo mi drugi budale pa stojimo u redu? Tako je to bilo cilo vrime dokle se i zanje zrno fažola nije podililo,a nije bome bilo lako ni oniman ča su dilili jerbo je bilo jedna osoba jedna porcija,a onda su počeli,je li more za mater koja je slomila nogu,ovoj za muža ča leži doma u 40 fibre,pa bi ovi vazeja za onoga ča ne vidi,ovi za onoga ča ne čuje,a ova jedna je bila najjača kad je rekla da joj je muž osta na sredinu skal jerbo da ga smeta srce pa bi ona sad njemu odnila porciju,a viče jedan odo tamo,a vidi ča mu želiš dobra,zakrči mu i to još malo žil ča mu je prohodno…A jednon riči cirkus ka i uvik,ali je zato ovi put bilo fažola za svi i niko nije moga reč da je osta bez njega,a jema ji ča su stali i po više puti u red. An pače zaboravija san reč. Kad san se penja prema vrju ovi niki ča je odija nizdol trevija se sa ovin drugin ča je odija uzgor i pita ovi ča gre uzgor ovoga ča gre nizdol,a ča je oli neš ostat na fažolu?neču kad ga dili Baldasar govori ovi ča gre prema nizdol. A onda če ovi ča gre uzgor njemu,a oli nisi čuja na radiju kad je Baldasar reka da su ga oni i lani financirali pa si ga isto kusa? Je kusa san ga,a da san zna nebi ga bija ni lani izija,ne dan mu gušta E.Zaključija je ovi šta gre prema nizdol.