Nakon ča su bile meknute ovakve barijere:

Koje su uvik bile spuštene i stale su dok ji nije do kraja ruvinalo.

Onda su ji jema trideset i šest dan zaminili sa ovin novin barijeran:

Koje su od kako su tote,trideset i šest dan bili samo niki par dan dignute,a sve ostalo do jučera kad su ji makli bile spuštene doli,a zamisto nji je meknut ovi stup ča ga vidite na ovoj donjoj slici koji je isto tako na katanac koji nakon šta se oključa i iz sredine izvuče cijev stup ka i ove ranpe legne na pod da bi po potribi aute mogle prolazit.

E sad ka po običaju u selo se razvila diskusija,da zašto su se uopče micale ove nove ranpe ča se deboto nisu ni steplile,jerbo nije stvar u ranpan,nego u onemu ča ji oključa,a ne zaključa za sebon,a i ka da se ista stvar sad neče događat i sa ovin stupon koji če ka i ranpe opet bit spušten,jer ko je prolazija onda, opet če prolazit i sad.

I triba još naglasit da bi na oni stari stup ča je uza kuču triba doč lanac tako da bi i on sprečava da se sa promjetaliman ne ulazi na plažu,ali ka ča znamo da se mora ostavit prolaz za invalide onda oti lanac nebi doša do kraja tako da opet nije riješen problem motori koji se liti znadu razletit po Gojači,jerbo se triba pokazat.A i neznan zašto se lipo jedan put zauvik ovo ne riješi na način ka ča su to i drugi učinili i več san ovde to bija i meka.Ne triba izmišljat teplu vodu,triba diko prepisat od drugi kod koji se to pokazalo ka vrlo efikasno rješenje.

Evo ovako:
Ovo san bija pisa lani u deseti misec: