A ča je ovo sud svita,ajme ča nas je ovo snašlo,ljudi gredu ulican ka muje bez glave,neče ovo na dobro završit,ne,ne.
Gledan danas u Split jednoga na rivu gre naprid,pa se vrača nazad,pa sad trče ukoso,pa opet gre nazad,pa je zamalo opizdija u kandelabar,pa se uvuka između šentade i betona,pa je onda puza pa je onda…a niman ja volje toliko pisat koliko je ovi u malo vrimena pizdarij učinija i na kraju se uvatija ka šimija skakat,uitija san ga,uitija san ga,eeeeeee,a ča si to ujitija pita ga ovi drugi,a da je ujitija nikoga od pokemoni,a ča je ovo došlo? sve je poludilo za otiman vatanjiman pokemoni priko mobitela,ni više ni manje nego dvadeset milijuni ljudi u cilomen svitu u stvarnosti trče za virtualniman pokemoniman,gleda san večeras jednu snimku di čovik stoji nasrid ceste bulji u mobitel i ne obada da mu auta iza njega trubi i kad se iz virtualnoga svita trznija u stvarnost, skužnija da ovi njemu svira i doša do aute i izdera se na vozača kojemu je spomenija sve do desetoga kolina,a koji je sad ispa kriv jerbo je njemu zbog njega uteka niki ritki pokemon kojega vata jema pet uri i onda mu je još sa ničin bugnija po šofer šajbi,sriča da nije bilo kruto,nego polutekuče pa mu se razlilo,a ovi jedan ča je u Zadru vata pokemone, upa je u more skupa sa svinn ča je sa sebon jema,pa onda jedan videjo,u Baltimoreu kad je ovi dok je vozija vata pokemone i zabija se u policijsku autu koja je bila parkirana uz cestu i kad je izlazija vanka drža je mobitel u ruci i na ekranu pokaživa igricu,a u Gvatemali je jedan osamnajestogodišnjak ubijen,a rođak mu je ranjen jer su za pokemonon išli u jednu kuču koju su zbog toga tribali runbat,a naša Gorska služba od spašavanja jema par dan da je zamolila da neka se ljudi ne igradu sa svojiman životiman i pokemone ne iščedu po Biokovu i Velebitu jerbo to more tragično završit.

Bilo kako bilo,igrica je tote i svakin danon jema sve više oni koji se s njon zabavljadu,kupujedu se i dodatne baterije za mobitele,jerbo igrica čuča bateriju ka luda,a šteta bi bilo da onda kad je najuzbudljivije zbog jedne baterije sve propadne.

I biče zanimljivo vidit kako če se sve to u budučnosti odvijat i koje če se sve dežgracije zbog ove igrice događat?

I kad vidite da se koko nikako čudno mota isprid naše crikve,a zbog važnosti lokacije u ovoj igri moguča je i veča količina ljudi,to Van je radi toga jer je to u Sučurcu misto na koje triba doč po loptice koje su neophodne za igru,a i o tomen sad kružidu priče,i ka po običaju odma se kreče sa teorijaman zavjere,da zašto je sad baš tote oto misto,to je niko namjerno namistija itd.itd…