Sinoč je povodon četiri godine od otvaranja zapadne obale Željko Kerum učinija proslavu na kojoj je podilija okolo dvi iljade sendviči sa pršuton i siron i da bi ja sad moga o tomen govorit,prova san i mogu reč da nije bija oni industrijski,ča pari ka da jite slane srdele,nego je jema lipu konču.
Naravno,pošto se tote skupilo svita očekivalo se da če Kerum čako i reč,a moran priznat da je bija vidno uzbuđen,jerbo mu je glas ka nikako drča,a onda se zafalija sviman koji su na vako vrime (a bilo je ledeno,da je parilo ka po Levantu,a ne jugu) uopče došli i reka Bog vas blagoslovija,to ča ste vi ovde po ovakvomen vrimenu došli to je ka puta deset i reka da če se opet kandidirat za gradonačelnika jer ga po gradu cilo vrime fermajedu i govoridu da je on pravi čovik za oto misto i da se iza njega vididu rezultati,ka ča je to upravo i ova Zapadna obala koja je otvorena na današnji dan pri četiri godine i obeča u prve dvi godine svoga mandata isto tako da če učinit i Istočnu obalu,šetnicu do Stobreča,Sporski centar na Brdiman…

A za štimung se pobrinila Jasna Zlokič koja je ne samo dobra pivačica,več i odlična zabavljačica,( svi smo znali da mora dignit hulahop,jerbo če je propuvat,a bilo je i dobrovoljac iz publike ča bi joj u tomen pomogli),a onda je iza nje na binu doša Mladen Grdović koji je sa prvin taktoviman pisme Dalmatinac,uz bakljadu, sve, doslovce užga,a i kod njega je bilo smija,kad je nakon dvi pisme iša gucnit za skvasit grlo,pa se stresnija,fuj voda,ko mi je ovo podvalija,pa onda da je osta bez dozvole i da če morat ponovo polagat vozački…

PS-ovo ča vidite Grdovića da drži niko dite u naručaju,to ga je jedna mater izgubila,pa je za par minuti kad je došla po njega,naravno,jemala u ruci mobitel.