Znate oni kanal ča su ga kopali za kabel od telefonije na prostoru di je bila stara crkva ča je stradala u bonbardiranju,a koji su obiližili sa kafenin asvalton? E,a sad su oti kanal koji je iskopan u otemu kafenomen asvaltu, zakrpili sa crnin asvalton.
Pa to sad izgleda evo ovako:

Ok,razumin da je zeznuto doč do mali količin kafenoga asvalta,ali da se bilo malo poigrat sa materijalon,da je bilo zaletit se do Gaja i uzest par siči pržaca i pomišat ga malo sa bilin,malo sa sivin cimenton i to nalit u ovi kanal,uklopilo bi se puno bolje od ovega crnoga asvalta ča je na ovomen mistu sad za vidit,isto ka i “šaka u oko”.