Bager od petka ništo kopa,makli su se tobogan i ljuljačke,nima više ni oni sprav za vježbanje itd.itd. i naravno odma se krenilo sa beštimanjen.

Ali,oto sve se maklo jerbo bi tamo di su bile sprave za vježbanje,tobogan,ljuljačke…,tribalo meknit statične stole i klupe,a ote sprave i ljuljače i dičinji tobogan,bi se tribali,kad sve bude gotovo izmistit na novu lokaciju,tamo sa live i desne bande kad se iz parka dolazi na Gojaču,eto.

A to ča se opet javljadu oni ča su u Mjesnomen odboru i govoridu kako su oni više napravili u ovo par miseci,nego ča se u zanji petnajst godin,isto tako,ka ča je to bilo i dosad,ni ovi put ne stoji,kako su upravo oni zaslužni za ove radove,jerbo svi znamo od kad je i čija je to ideja (jedne udruge),a bilo je pri dosta vrimena u razgovoru sa odgovorniman,ako nečete Vi,napravičemo Mi i evo,je tribalo malo čekat,ali je krenilo.

Inače i ovde je onda u dogovoru bilo kako če i u ovomen sudjelovat tvrtka Cemex.

Inače ovo gori ča san govorija o beštimanju bilo je,kako se cilo vrime na ovo nesritnje Gojače ništo po partizansku radi,nima jednoga lipoga projekta uređenja,več sad mečedu ovo vamo,pa onda primiščadu namo,pa če sad ovo učinit vako,a kasnije vidit da su ništo falili i da bi bilo bolje nako…,a naravno,jema i oni ča govoridu,bitno je da se ništo radi,pa sad nakon koju godinu opet minjali,ajme kad se radi,ajme kad se ne radi,nikad Van nevalja,glavna jin je poštapalica…