Ka po običaju,natpisi i razne poruke na majicaman su i ovi put pokazali maštovitost mladi,iako ji neke nečemo baš razumit,oni vrlo dobro znadu zašto su baš nji izabrali…

I dokle su zanji desetlječi maturanti zadnjega dana škole besciljno lutali,Napokon se niko sitija i od ove godine grad Split je baš lipo organizira oto zadnjega dana škole,nazvan,Norijada,pa su najpri uz di đeja jemali zborno misto na Rivi,za da bi kasnije rijeke đaka krenile prema Zvončacu di je bija organizirani program…

Naravno,kako to več ide,veselje mladoga svita koji je zadnji dan proslavija uz pismu,veselje,bengalke,neizbježne pištolje na vodu…,nekiman je zasmeta,ali ote zanemarimo,to su oni ča odma ujutro čin se dignedu mrzidu onega ča ga vididu u ogledalu i fala Bogu su u manjini,ali je zato puno nji ča jin je bilo drago za vidit kako se mladi svit veseli,a bilo je i oni ča su jin se pridružili,a i dovikivali,guštajte dico,ovo dokle grete u školu Van je najbolje i najbezbrižnije razdoblje života…

I ča na kraju reč,a neka jin se u životu ostvari sve ono ča su zamislili i nadat se kako niko od nji u budučnosti neče doživit sudbinu osobe sa zanje slike,kojoj su ti isti maturanti pomogli u sakupljanju boc i limenak …