To da se parkira doli na Rivu i da se zbog toga jedva mimoilazidu aute,to svi znamo,a isto tako kad to vidimo,onda oni ča gre od nove crikve put starega kanpanela,jerbo su aute parkirane sa njegove bande trake,ako vidi autu iz suprotnega smjera,lipo stane,čeka da oti prođe i onda krene,a pa more se dogodit da ti upolak puta od pravca starega kanpanela dođe auta,pa ako postoji sa donje bande koje misto di nije auta stala,onda se na mote dogovarate di če ko,pa opet nima problema,ali sinoč je nasta veliki problem,iša san da ču izač iz sela uša u Varoš,kad odozgara sa ceste silazi ni više ni manje nego jednu dvadesetak aut (večina nji je na auti jemala amblem- ime firme sa četiri slova u krugu) i gredu doli put Rive,tako da san izgubija skoro i desetak minuti dokle san tote čeka,e i onda mi nije da vrag mira,gren vidit ča su ovi u ovolikomen broju došli u selo,eto mene na rivu,kad doli krkljanac,znači,ka ča san več gori napisa,s donje bande su bile parkirane aute,tako da je jedan iz pravca nove crikve iša put strega kanpanela i iako je isprid sebe vidija kolonu aut,on je i dalje uporno sta i neznan šta čeka, biče da mu se svi oni maknedu,neka su u svojoj traci,za da bi on,koji je isto tako u njiovoj traci, moga proč? i onda,zamisto da se vrati u rikverac,on se malo turnija desno i natira ote odo tamo da činidu makakade i zaobilazidu njega priko onega puta ča gre gori prema oniman zgradan,e ali,to je tako duralo,dokle mu sa suprotne strane nije doša jedan koji to nije tija učinit,stoji ovi,ma stoji i ovi drugi i to je trajalo,a pa je onda ovi,koji je promet blokira,kad je napokon svatija da mu se oni odo tamo neče maknit,sad mora učinit ono,ča je natira sve one aute prije ovega,uša je gori u oto puta i pustija ovega i sve ostale da prođedu i onda kad se sve ispraznilo,krenija di je naumija.