A zimi,naravno,brontulamo kako nan je,zima 😀

A je malo čudno da u šesti misec bude ovako vruče,ali šta je tu je,a sitimo se samo kako je našiman stariman bilo,a nisu ni ventilatore ni klime jemali,evo danas je pa tenperaturni rekord kad je u šestomen misecu u Splitu izmireno 39 ipo stupnjev,ali opet se vratimo malo u prošlost kad je na početku sedmoga miseca, 1950. izmireno 38,6 stupnjev ili 1981.godine kad je u Pločama izmireno 42,8 stupnjev,šta je u nas rekord kojega i do danas drži, toliko o globalnomen zatopljenju itd.itb.,ali naravno,kako to več biva,kad uđeš sa nekin u razgovor oba ovemu,e onda če ti oti reč,jerbo mu je tako napunilo glavu,je,eto,neka bude da je i onda bilo tako vruče,ali se to ne more usporedit sa ovin danas,danas je to gore nego ča je onda bilo i onda ti počme punit glavu sa razniman glupostiman,jerbo je on ka i ja živija u ono vrime,pa zna kako je onda njima bilo,ali uglavnon se oče reč kako to sad duže traje nego ča je to onda trajalo (a kako to zna?),a meni je drago kad naletin na takvoga lika,a pa san ovemu postavija pitanje,dobro,a je li ti to meni očeš npr. reč,da je onda kad se to 1950. zna da je izmirena otolika tenperatura,do tega dana bilo npr. trideset stupnjev,pa je otega petoga dana sedmoga miseca najedan put poletila na 38,6 stupljev i sutra dan se opet vratila na trideset,ustvari moglo se dogodit da je nakon toga maksimuma,učinilo nevrime ka i danas i tenperatura nakon toga naglo pala,ali kako se ko ovi daan u nas postepeno tenperatura dizala,tako je isto i onda bilo,jerbo tako to ide,a ako ti jemaš koju drugu teoriju,samo reci,ja san spreman za saslušat je,a da se sa menon ne da razgovarat,govori on meni,bome ti je odlična teza,baš si lipo objasnija,govorin ja njemu…

E i onda kako to več biva,nakon oti vručin,popodne nan je došlo i nevrime i u dvadesetak minuti tenperatura je pala za četrnajst stupnjev,munje su cipale na sve strane,a na Čiovu je to bija uzrok požara,koji je doša blizu kuč,ali su vatrogasci to u uspili stavit pod kontrolu,kako se diga veliki vitar,cilo selo nan je bilo u oblaciman prašine i ko zna ča smo sve “hranjivo” kroza to progucali,reka je jedan,da je odo te prašina bila tolika vidljivost,da je mora maglenke na auti užgat…

Na ove doli četiri slike,prve dvi sa Sokolane di se iz potoka ulije ko zna ča na plažu i druge dvi,di se vidi kako se iz Tunbina u more izlije sve ono ča je zaostalo od kako je zanja velika kiša pala,a da je na jedno i drugo misto to bilo zdravo ča je iz kanali izlazilo i u more ulazilo,govori i nesnosni smrad koji se pri tomen širija,parilo je ka da je koko fonju ispliva…

Ove dvi slike su sa Tunbina:

Vidite dokle seže kafenilo,tek tamo u daljini se vidi plavetnilo mora…