Kako stoji na službenima stranicaman od Vodovoda,večeras od jedanajst uri,pa do jedne ure iza ponoča u Sučurcu neče bit vode ispod ceste D8,ča oče reč ispod Magistrale,na potezu od bivše tvornice jugovinil,pa do fabrike od cimenta.Pa tako večeras ne palite makinje od sudi,robe…

Jema nikoliko daan da je na svitlo dana izaša podatak kako su nekretnine u gradu Splitu treče po skupoči u Evropi,na prvomen mistu je Moskva,drugomen Pariz. Bome,jemamo se sa čin pofalit,e, a sad kakve veze jemadu Kaštila sa oton skupočon nekretnin u gradu Splitu,a imadu i te kako imadu,naši Kaštelanski političari več par godin se falidu kako u Kaštila sve više dolazidu mlade obitelji i još znadu nadodat,kako je tomu…

Jučera okolo dvi i dvadeset tamo u Doljanima Sučurački vatrogasci su gasili vatru koja se otela kontroli. A koliko puti još triba ponovit kako sa paljenjen triba bit oprezan i sve predradnje učinit pa da vatra ne izađe iz zato predviđeni okviri,ma zaludu.

Još uvik nan korona neda da na Cvitnicu učinimo procesiju od crikve do starega kanpanela di se u naše selo tradicionalno blagoslivljedu maslinove grančice,jerbo nije poželjno da u malo mista bude puno svita,ali u odnosu na lani kad je po crkvama moglo bit par desetaka ljudi,a maslinove grančice su nas čekale u kutiji isprid crikve,več blagoslovljene,ovu godinu se vidija blagi pomak prema naprid,a nima druge nego se nadat da če…

I naravno ka i za sve u ovu godinu i ništo daan i za ovo su ka krivca našli koronu,kako ono ide,bitno je nač krivca,a to ča se nisu jema več koliko godin okolo toga mogli usaglasit,nema veze,ali je bitno znat kako smo u tima razgovorima MI jednaki među jednakima,pa se ja baš puno ne bojin da odluka koja bude donesena,nama neče odgovarat,ako ništa,bar če nan bit prikazano,kako nan baš…

Znate priču o onima tikvurinama stavljenima isprid platoa od kina i kako san reka da ču napisat kad Gradonačelnik odgovori na emajliranu poruku koju su mu građani poslali 27.01.2021.godine. E,odgovora na poslani mail nima,ali zato evo u kratkiman crtama šta se događalo u razgovoru između Gradonačelnika i našega miščanina. Naš miščanin se uredno najavija kod gradonačelnika na razgovor,a zbog situacije u kojoj jesmo to nije bija susret u četiri oka,več…

Na početku Starčevićeve ulice nakon izvedeni radov okolo kanalizacije umisto dosadašnje žute crte na asvaltu koja je obilježavala misto di gredu pješaci,sad se postavljadu rubnici i učinit če se korniž onako kako triba,po zanatu,ali tamo di je ona kuča tika uz cestu,od njenoga kantuna,pa do unutrašnje strane postavljenoga rubnika izmirija san sedandeset i dva centimetra,tako da po dimenzijama invalidska kolica šta imadu razmak između koli od 65 centimetri,moredu možda u…

Iako ga je bura brzo širila,još brže su ga udunili. Najpri su ljudi gasili sa vodon iz gum,a onda su gašenje dovršili vatrogasci.

Uvik si govorija kad češ više doživit da ostanen bez texta,eto uspija si,ostavija si me bez texta,ali nažalost to doživija nisi,ali san uvjeren kako me ti sad odnikud gledaš i govoriš,aha,uspija san napokon san uspija i pechinu bez texta ostavit. Jesi Filko,priznajen. Pa kad ti rečedu ono, da jemaš godine i nike stvari tribaš svatit Je jeman godin,ma mi još uvik nije jasno,uopče mi do ovega imberlanoga mozga ne more…