Nije,ovo se sinoč otvorilo Splisko lito.

Nakon dugi peripetij,oče-neče spomenik poginuliman braniteljiman u Sučurcu je, sad če u osmi misec dvi godine,napokon i svečano otkriven,a neki su več onda pretpostavili, upravo ono šta se u ovi dvi godine oko spomenika događa. O holtikulturalnomen uređenju nebi,sramota. Ovde ču o nečemu drugome,ka ča san več gori spomenija kako su neki odma u početku kad su vidili kako je spomenik nisko,predvidili, ka ča se to i događa da če…

Nakon ča san, ka ča mi je reka da mu pošaljen,Gradonačelniku Ivanoviću posla emajliranu poruku o potoku koji izlazi na plažu Sokolana,sa slikan i popratnin texton kako bi se to za prvu ruku u dva-tri dana moglo riješit, pa da kupači više ne strepidu ča bi jin moglo novega iz cijevi doletit,još koja pantagana,oli opet govna ili čako poput one boce od cidokora ili još gore,ono ča se ne vidi,ali…

U petak je na Kemijsko-Tehnološkomen fakultetu u Splitu bila jubilarna 50 po redu svečena promocija prvostupnika i Magistara inženjera kemijskog inženjerstva. Ko če od nji postat ime svjeskoga glasa, možda nobelovac, vrime če pokazat.Trenutno in triba samo radno misto na kojemu če pokaznat svoje kvalitete i znanje koje su stekli tokom školovanja. Sritno Van bilo.

A šta ja sad mogu o tomen koncertu pisat,samin tin ča piva Điboni svaka rič je suvišna,a kad tote dodamo i goste poput Stephanie Sounds,zbora Brodosplit,Vlatka Stefanovskoga,virtuoza na gitari,naravno,nezaobilazni vilionista kojega je,a neznan sad koje godine, kad je bija koncerat na Gripe, Đibo prvi put predstavija i opisa kako su se upoznali,pa je priča išla tako, da je Đibo u daljini čuja kako niko rastura violinu i tražija je okle…

A ča je? ništa ne pišeš o onemu šatoru ča je u subotu bija kraj crikve,a? Fermajedu me po selu,a sa zanjin otakin san večeras priča u jednomen trgovačkomen centru i on mi je isto doša, da ča ja mislin o otemu ča je nikidan bilo isprid crikve,a ja njemu govorin,a zanimljivo je da su se pojedinci o tomen raspištoljili,tučedu iz svi kaluni,a još zanimljivije je da oti svi ne…

Na Sokolanu su evo nakon misec daan nego ča je onu ukrelo,jutros mekli novu,kadinu,brojalicu,niko je zove krunicu,oliti ga psihičku barijeru za plivače,jučera je meklo i dvi nove klupe,na Gojaču je danas popodne stavilo priobučivalicu,tako da kad sad sa sebe kupači budedu skidat mokre badiče više neče  tribat činit kerefeke za to napravit,a i ljuljačke su opet u funkciji.

U subotu prolazin ja fičon priko rive i pari mi sve ništo ka čudno,a šta,nima njanci jedne parkirane aute,a subota ujutro,udarna ura kad su kafiči krcati svita. A ča je sad? A počeli su taman oti dan radit bobiji, pa su upozoravali vozače da se držidu prometni propisi.

A o čemu se radi? A radi se o onemu kanalu ča ga činidu od onega potoka ča gre kraj anbulante pa do Gospice. A ča je ovo sto osandeset i trideset korakov? A  to je da su sa radoviman počeli tamo okolo dvadeset drugoga i u to vrime pa do nikidan su za kanal koji san izmirija u korake (nji stoosandeset) izgubili okolo sto i trideset daan,a u ovi…