I ka ča ste to mogli u ovu subotu vidit na televiziji Lana Rubelj pivala je u finalu RTL-ovi Zvjezdic u kojemu je između okolo iljadu prijavljeni došla u najuži krug od nji dvanajst,a tek jon je osan godin i kako su to članovi žirija rekli,a i mi sami vidili, Lana je čudo od diteta i ka ča san več prije bija napisa, opet ču ponovit da je Lana več…

I onda je Bare pita Karamarka oče li mu dat šal? I Karamarko je skinija šal i da mu ga. Pa je onda Bare pita Karamarka oče li mu se sad lipo na šal i potpisat? Pa je onda Karamarko vazeja penkalu i potpisa se na Barin šal.Pa je onda … Pa su onda Karamarko i Tona-Iskreni o ničemu pričali,ali tiho, šapljali su,tako da ništa nisan moga čut?

Jema dva dana da je na platou od punionice Adria plina smištena starinska vatrogasna auta (Magirus deutz) koja je postala glavna atrakcija,svako ko prolazi vadi mobitele,aparate,tablete,ipadove… i slikaje ovo čudo od vatrogasnoga auta koje je napravljeno 1950 godine,a vlasnik Adria plina ga je kupija na jednoj licitaciji-dražbi. Auta je prošla pedesetak iljad kilometri, još uvik je u voznomen stanju,a večina djelov je originalna,ka i one drvene lojtre ča su gori…

Evo ovako je to danas bilo okolo podne manje kvarat i svi su se čudili kako govna po ko zna koji put opet tote izlazidu kad su ovu zimu radili nova prispajanja za one građevine ča su navr rive i spajali ji na “novu” kanalizaciju?

Evo ovako:

Danas točno na uru manje kvarat Kurobasa je po ko zna koji put zaronija,ovi put za potribe policije,jerbo je ovo kako su se zaredale puste krađe niko od oti sudionikov,a ko zna jeli je možda i iz dučana koji je pri dvi večeri u Sučurcu opljačkan, itnija doli ispod opčine kasu u more. Zanimljivo je da otega ča ju je ukreja nije zanima sitniš od kune i dvi koji je…

Dvadeset i sedan desetoga pri sedandeset i jednu godinu,dan nakon ča je oslobođen Split, partizani su oslobodili i Kaštila. Bilo to komen drago ili ne,ali tako je to bilo.

Ritki su momenti da kad koko doli u Vitturija ništo promovira,oli drži koje predavanje da oti prostor bude do kraja ispunjen,a to je sinoč bija. A di neče kad je u goste opet doša Krešimir Mišak, urednik i voditelj HRT-ove kultne emisije „Na rubu znanosti“ u kojoj morete čut o onome di nigdi na drugo misto ne morete,a da ima svoje fanove,neka je emisija u kasniman uran, pokazatelj su pune…

Za one ča i dalje neznadu ovo gori na slici je Sučuraški prirodni (sunčani) sat po kojemu su se naši stari ravnali,a popularno je nazvan “klini”. Od danas se počimlje računat po zimskomen vrimenu (sat se miče uru nazad) tako da če se zamisto u šest od danas počet smračivat u pet uri popodne (bljak).I nemojte zaboravit da sviče na autan tribadu cilo vrime gorit,ne palite auto sa svičan jerbo…