U noči sa utorka na sridu niko je odija selon i od mula priko banane pa uzgor sve do pošte sa nikin oštrin predmeton vuka rige po parkiranin autan,a na nikiman da se potrudija pa je i cilu haubu iscrta,e sad koliko je točno aut stradalo neznan,ali se po selu spominje brojka od dvanajst,pa sve do dvadesetak,a je li oti bija sam ili je sa sebon jema i naučnika pokazat…

I jučera je na onoj plaži na Lučici ispod švori iz onoga potoka ča se tot ulije dolazila nika smečkastožučkasta masa ničega šta je zamutilo cilo more i to je lipo zapasalo,je i cili trista,ako nije i više metri od obale sve bilo odo toga. A jesmo se počeli puvat kako se more očistilo i da su se tot opet pojavile loščure ka naza četrdesetak godin,ma se ova masa ničega…

Ono pri dva dana pisa san da kamijon o smeča ne more doč do kontejneri za ispraznit ji i onda kasnije kako je jedva od aut proša prema mulu,a nisan uspija vidit koliko je problema jema za proč rivon od parkirani aut. E,a u subotu kad je bija susret oldtajmeri eto i kamijon o smeča i zamisli, jema je veliki problemi za proč rivon jerbo su ka po običaju tot…

Jučera je na našoj rivi povodon Dana pobjede,Domovinske zahvalnosti i Dana Hrvatskih branitelja oldtajmer Moto klub Adria učinija 16. Dalmatinski susret oldtajmer motori di se moglo vidit lipi primjerak,a ovi jedan Puh iz 1912 godine je bija kruna događanja. To je motor koji je pun detalji koji čovika ostavljadu bez riči,neču puno nabrajat pogledajte ga sami na slike,ali moran reč da me zadivilo prednje svitlo o motora koje svitli na…

Neču duljit,neka slike govoridu same za se,ali ovo moran ispričat: E,a ovo kako Miljenko i Dobrila ovu sedmicu šetadu kroza Kaštila tako su sinoč svratili i na ovu glazbenoplesnu zabavu i naravno zamisto u japanke i čako kratki rukavi i gač na sebi bili su obučeni u monture iz onoga doba za da bi Jajac doša ovoj,a čuješ,ka nije tebi u tomen zima,a, mogla si bila čako laganijega obuč,a ne…

Ovo gori još puta deset ponovili su oni ča su jutros okolo deset i pet sidili na onima klupan isprid pekare na rivi. Ma ka da te sam bog posla,a ča je sad? a oli ne vidiš da kamijon od smeča ne more doč do kontejneri? a je, vidin, i od četiri kontejnera ča su tot, uspili su samo dva ispraznit,a ona druga dva su ostala puna jerbo da su…

Učinija san večeras okolo deset ipo đir priko naše rive do Sokolane i vidin svi ništo upiredu prston i brontulajedu,a pošto san več odavna uz redovnu završija i onu “Sučurašku školu” onda ka je da van vrag ne da mira za odma se okrenit ča se to događa,ali ne date gušta onome drugomen da vas privari i onda prođete koji deset-dvadeset korakov dalje pa se ono ka okrenete da niko…

Sinoč su u Splitu na staromen placu otvorene četvrte po redu nočne izložbe pasa,međunarodno natjecanje na kojemu su prisutni pasi iz 31 Evropske zemlje,Amerike i sa Filipini tako da če u ova četiri dana do nedilje proč okolo 4 iljade i trista pasa,a za one koji mislidu poč vidit otvoreno je od sedan ipo uvečer pa do dva ujutro. Pojte vidit jerbo je zanimljivo,a i oni ča mislidu nabavljat pasa…

Odveja ja malu u subotu na Sokolanu i dokle se ona bučkala u moru ja san naša jedno lipo misto odispod tamarina meka šugaman i seja u lad kad mi dolazi ovi jedan,a ča je a? lajedu tebi a? a ča je sad? a ništa, je li ti lipo tot na travu ležat? a gledan ga ja jerbo čutin da ništo iza ovega slidi,a je,je baš je lipo,a ča ti…