Čestitamo Vam Dan neovisnosti. Na današnji dan 1991.godine Hrvatski sabor donija je jednoglasnu odluku o raskidu državnopravnih veza sa tadašnjon Jugoslavijom.

Sinoč okolo sedan uri na Gojači dok su se dica gingala,spuštala niz tobogan i igrala se po oniman spravican za vježbanje dasa je izaša iz obližnje “kapunjere” i odma je odizad kantuna jer mu je bilo daleko odit do kojega grma, oli stabla učinija posal i trč brže nazad da mu ne pobignedu karte.

Dok u drugiman mistiman mali kvartovski dučani još uvik postojidu u našemu selu ova naša popularno nazvana Bekica najprije je zamisto cili dan počela radit samo ujutro da bi ka ča vidite ovo šta piše na komadu karte 14.07. skoro pa če tri miseca da je zatvorila vrata. Znalo se da životaridu,a i lito je niko “gluvo” doba godine pa se mislilo da če počet radit tamo u deveti kad…

Jučera je u jedanajst uri krenila 82 po redu Mrdujska regata koja je najstarija i najmasovnija s ove bande Jadrana,a ovi put su na njoj sudjelovale dvista i jedna jedrilica plus oni šta se pridružidu bez da se natječedu jer je ovo regata koja je odavna prišla granice sporski okviri i postala nešto di se svakako pa sad jema i fibru moraš pojavit tako da je najstariji sudionik jučerašnje Mrduje…

Danas su se pripadnici Sučuračke Torcide koja se nedavno osnovala uvatili sređivat oni doli sridnji prostor na Gojači di je bija disko,a u budučnosti bi tribale bit njiove prostorije. Jemali su lipo posla jerbo je to do sad bilo priručno skladište od maškar i svega “blaga Božjega” se u unutra moglo nač.

Na Spliskoj rivi se more vidit kako se snimadu određeni kadrovi novoga filma koji još nije ni smontiran,a več je diga veliku prašinu. Kad vidite planetarno poznate glumce sve če Van bit jasno.

Moglo bi se slobodno reč da se na Sučuračkoj rivi trenutno odvija igra ko če pri,a pravila su da pravili nema jer se i dalje ostavljadu aute iako se zna da se tot ne smidu ostavljat i da bi svaki čas mogla doč policija i počet pisat kazne ili pauk pa jin pokupit limenoga ljubimca.Ona prva igra sa policijon i kaznan se nikome ne sviđa jer če svi bit popisani,ali…

Puno nji je šta se tiče ove godine kupače obisilo o klin,ali zato oni šta su ovde došli na odmor svaki momenat iskoristidu za potočat u more i osunčat se. Tako danas dok je burica lagano pušikala i domači su več počeli pomalo i jakete nosit na Gojaču pračeni čudnin pogledima ova grupica stranac je lipo guštala,a to ča je jedan reka da nečemo od nji baš puno zaradit jerbo…

Od kako je početkon devetoga miseca meklo oni doli znak da se na rivu ne smi zaustavljat i parkirat niko ga nije obadava i ka po običaju sa južne bande je uvik bilo krcato aut tako da se dvi aute nikako ne moredu mimoič i onda ovi iz pravca sokolane prema selu kad vidi da nima nikoga iz suprotne bande udre po gasu za ča pri proč jer mu je…