Tamo u ulici Rimski put,kraj broja 23. na misto di se do sad nikoliko puti tonija asvalat,jer bi pukla tlačna cijev od kanalizacije,pojavila se rupa koja je sigurno duboka okolo tridesetak centimetri,a ispod asvalta ko zna koliko široka,tako da je samo pitanje momenta kad če koko sa auton unutra upast i neče mu bit lipo…

Jutros su tamo iza osan ipo kroza selo proletile vatrogasne aute put istoka okle se vidija lipi dim,a i fino je vonjalo,po plastici,gumi…,a razlog tomu je ča je u firmi Cezar planila vatra na naslaganiman olupinan od aut tako da šta se štete tiče,nije je bilo.

Evo ga je ovi metija i to je još i tapet isprid sa natpison,velkome stavija,tendu razmota,ništo je vanka iznosija,ali mu je zapelo,a nisan sad tija tote stat i gledat,ali mi se čini ka da je kučicu od pasa vadija…

U Starčevićevoj je jema sigurno več i dvadeset daan da ova puknuta šahta stoji puknuta,diko sa uzdignutin znakon sa uskličnikon,a diko sa spuštenin,ka ča to vidite na slici,tako da se uopče ne more primjetit…

Ljudi moji ma šta se ovo događa,je li to moguče,imamo priobučivalicuuu,sud svita če…? Reče koko nikad nije kasno,naravno,mi Sučurani smo navikli da se oni iz Grada prema nama ponašadu mačehinski,ali jaki smo mi,naučili smo trpit,pomalo,nije priša,svaniče i naš dan… A oče mi ovo koko objasnit,vlada se trsi za svakoga gosta,govoridu nan kako se zbog nji,mi moramo cijepit,da zaradimo koju kunu više,a s druge strane,pitan ja Vas,a koliko nji-turisti više nikad…

Prisinoč san pisa o onemu problemu sa ulegnučen asvalta ča jema več dugo vrimena,a dosad niko nije reagira i eto,reagirali su,jučera je meklo asvalat i ulegnuče zakrpilo. A šta je ispod ovoga,a je li dosta samo asvalat meknit? Ka ča san pisa,par metri uzgor čovik je sa auton uletija u Tunbin,jer se isto tako rupa otvorila,a sad,koliko je ovo misto siguro,neznan,ali se nadan kako čedu ovu situaciju pratit i ako…

Jema več niko vrime kako pratin ovo misto kako pomalo ali sigurno sve više i više tone,a površina je sve veča i svaki put mislin meknit če bar čako znaka,ma ništa,ali nema veze,ispod je samo tunbin i ča se more dogodit,a ono ča se več par metri od ovega mista prema uzgor več dogodilo,a to je da je jedan stojadin potonija u tunbin. E sad oče li se ovo na…

Danas smo bili svjedoci prometnomen kolapsu zbog kojega je lipi dijal dana sve bilo blokirano,a u nas u Sučurcu sa Magistrale su se aute spuštale na Kaštelansku cestu,pa kad bi došli do Gospice i vidili gužvu od aut ča se protezala put Splita,onda su odili desno,pa vozili kroza selo,nema di ji nije bilo,svugdi su tražili izlaz iz ovega kolapsa,za da bi na kraju svatili kako ipak moradu stat u kolonu…

Bilo je sve do zanjega oče bit,neče bit,pa je odluka pala,biče,malo je bilo stresa,pa se onda popodne i kiša u dva navrata uvatila padat,a gledale su se puste prognoze,od oni Kineski,Hrvaski,Norveški… i na nijednoj nije bilo da če se kiša onako izlit,pa se onda kad je oto kiše stalo,na brzinu moralo sve sredit,jerbo vrimena je bilo sve manje,a nervoze sve više,jerbo triba počet na vrime,a ova mladost je pokazala kako…