Čitan ovo o fekalijaman ča su se pojavile isprid rive u Kanbelovcu i ne mogu virovat. Jema tamo več od 2013 godine u prvi misec da san ofekalijaman (govniman) ča se ulijedu doli u nas na rivu pisa i niko ništa,a zanja dva puta san pisa u drugi i četvrti misec ove godine,a to je prilično friško i zanimljivo je da se Gradonačelnik Ivanović nije javija,a sad kad se je…

Naziv je događanja ča se je ovu nediju zbija na Podvorju, di su uz domačine KUD Putalj,nastupili još i Bračko folklorno društvo iz Supetra,KUD Kvadrilja iz Trogira i KUD Stari hrast 2000 iz Novoga Travnika.

Pa je bilo zelene manistre,crnoga rižota,čovapčiči,srdele na gradele… A bilo je i za bumbit. A za lutriju je bila ponistra,naravno od plastike,bačvica od inoksa,jednodnevni izlet na Krknjaše za četiri osobe,tri iljade kun vridan popravak aute u mehaničara,sto kun u jednomen kafiču…

Zašto Grad Kaštila sviman Osnovnoškolciman neče financirat radne bilježnice? Najpri ako jema koko da nezna,pojasnit ču o čemu se radi,a radi se o tomen da je županija ovu godinu svima Osnovnoškolciman u školaman kojima je ona osnivač, financirala školske knjige,a župan je,kad je pri koji misec ipo-dva, to obznanija javnosti reka,a neka se gradovi i opčine pobrinedu za radne bilježnice i pribor,pa je tako na sjednici Graskoga viječa Kaštili koja…

Jučera smo proslavili Dan pobjede domovinske zahvalnosti i Dan Hrvatskih branitelja i di je ko koji političar ovi daan progovorija moglo se čut kako uvik moramo imat na umu poginule branitelje koji su prolili svoju krv za da bi mi danas mogli uživat u slobodnoj Hrvatskoj. Gledajuč ovi naš spomenik poginuliman braniteljiman u Sučurcu,vidin da tako i mislidu! Osin šterike ča je u subotu kad su se skupili motoristi užga…

E,a sad tučedu po meni,a jesi ji nikidan pofalija,a,to ča jema šest daan nima priobučivalice ništa,samo ji ti fali,asti,a ča san ja bidan kriv,a mora san ji pofalit kad su odma isti dan došli. To ka oni neznadu da je ovde puno svita i da se nimamo di priobuč,eno,neka skinedu onu priobučivalicu ispod Đardina i pribacidu je ovde,a kad u deseti misec bude ova razbivena napravljena neka je meknedu tamo,bitno…

Sinoč se dogodilo da je Misec bija u zemljinoj sjeni,ča oče reč da je bila pomrčina Miseca i to totalna, koja je trajala prilično dugo,cili uru četrdeset i dvi minute i pedeset i sedan sekundi,dok je Misec za oto vrime bija crveno opituran,a sveukupno,od početka pa do kraja pomrčine prošlo je cili tri ure i pedeset i četiri minute.

Ka ča znamo jučera je dici u školaman podililo svidožbe,a za razliku od prošli godin,lani zanji put,desno od imena učenika-ce pisalo je kojega je spola,u odnosu na doba mraka kad je pisalo sin-kči,sad je to bilo M ili Ž,a ispod imena učenika-ce uz podatke kad se i di se rodija-la,državljanstva, pisalo su i imena roditelja ili skrbnika,ko je u dobre, oba roditelja,a ko nije ili zbog neki drugi okolnosti,ime onega…

Nakon ča su u treči misec doli na rivu spomenik paliman braniteljiman opasali sa nikon nakaradnon mrižon,koju su nakon par dan makli,jema desetak daan da je osvanila nova ograda. Ča je,je,ova je stimana i nima joj se ča prigovorit,ali,bi li mi koko objasnija kako če stari ljudi,ma i oni mlađi, koji ovde dođedu upalit šteriku,meknit cviče,to moč napravit,nagninjat če se priko ograde?ča se koko od nji sad triba ovde slomit?a…