Jučera smo proslavili Dan pobjede domovinske zahvalnosti i Dan Hrvatskih branitelja i di je ko koji političar ovi daan progovorija moglo se čut kako uvik moramo imat na umu poginule branitelje koji su prolili svoju krv za da bi mi danas mogli uživat u slobodnoj Hrvatskoj. Gledajuč ovi naš spomenik poginuliman braniteljiman u Sučurcu,vidin da tako i mislidu! Osin šterike ča je u subotu kad su se skupili motoristi užga…

E,a sad tučedu po meni,a jesi ji nikidan pofalija,a,to ča jema šest daan nima priobučivalice ništa,samo ji ti fali,asti,a ča san ja bidan kriv,a mora san ji pofalit kad su odma isti dan došli. To ka oni neznadu da je ovde puno svita i da se nimamo di priobuč,eno,neka skinedu onu priobučivalicu ispod Đardina i pribacidu je ovde,a kad u deseti misec bude ova razbivena napravljena neka je meknedu tamo,bitno…

Sinoč se dogodilo da je Misec bija u zemljinoj sjeni,ča oče reč da je bila pomrčina Miseca i to totalna, koja je trajala prilično dugo,cili uru četrdeset i dvi minute i pedeset i sedan sekundi,dok je Misec za oto vrime bija crveno opituran,a sveukupno,od početka pa do kraja pomrčine prošlo je cili tri ure i pedeset i četiri minute.

Ka ča znamo jučera je dici u školaman podililo svidožbe,a za razliku od prošli godin,lani zanji put,desno od imena učenika-ce pisalo je kojega je spola,u odnosu na doba mraka kad je pisalo sin-kči,sad je to bilo M ili Ž,a ispod imena učenika-ce uz podatke kad se i di se rodija-la,državljanstva, pisalo su i imena roditelja ili skrbnika,ko je u dobre, oba roditelja,a ko nije ili zbog neki drugi okolnosti,ime onega…

Nakon ča su u treči misec doli na rivu spomenik paliman braniteljiman opasali sa nikon nakaradnon mrižon,koju su nakon par dan makli,jema desetak daan da je osvanila nova ograda. Ča je,je,ova je stimana i nima joj se ča prigovorit,ali,bi li mi koko objasnija kako če stari ljudi,ma i oni mlađi, koji ovde dođedu upalit šteriku,meknit cviče,to moč napravit,nagninjat če se priko ograde?ča se koko od nji sad triba ovde slomit?a…

Evo čitan kako je najnovije uzorkovanje mora pokazalo da je na Gojači more zadovoljavajuče kvalitete,pa se u selo opet postavlja logično pitanje,da zašto nima ništa odo tome kakva je kvaliteta doli na Sokolanu,a ča čedu bezveze gledat,“sigurno je extra djevičansko“ . Ma baš nikidan kad je u selo bila akcija od čiščenja mora, upa san u priču sa Dogradonačelnicon Jadrankom,ustvari, cilo san vrime izbjegava i biža na drugu bandu da…

Na ovoj doli slici morete vidit zupčanik i sat od helikoptera koji je namiščen na šest i pet,uru kad je helikopter pa. A sičan se ka da je to jučera bilo,a jema san onda trinajst godin, sidija san na balvaniman na pilani navr kuče i gleda kako helikopter pribaca materija sa Mula prema Planinarskomen domu koji se nadograđiva,mater mi je donila niku kapu,jerbo da če me puknit zvizdan u glavu…

A to je bilo u organizaciji PŠRD-a Gojača kojima su u pomoč došli ronioci iz JVP Splita i Dobrovoljnoga vatrogasnoga društva iz Stupnika-Zagreb, uz naše seoske,Fuliera i Kurobase,a kojega je sve tote blaga bilo pogledajte na slikan.

Ova rupa je več dugo ovde,a skoro svaki put kad prođen naletin na ovega jednoga ča mi prston pokaže na nju,a ja mu dobacin,sigurno če je ove dane zakrpit,ma je prošlo puuuno vrimena i niko se još nije sitija da bi ovo tribalo sanirat,pa su ljudi u nju natrpali puste novine. Rupa se nalazi nasuprot sjeverozapadnoga kantuna od onega prostora di je bija slasta,pa još malo gori.