Danas je u Sučurcu povodon 72. godišnjice oslobođenja Kaštili u Drugomen Svjeskomen ratu položen vijenac na spomen kosturnicu palih boraca. Inače, Kaštila su bila okupirana 1273 dana,a od ondašnji šest iljad stanovnikov u borbi je bilo 1631 Kaštelanin,dok je poginilo nji 421,a od toga je bilo osandeset Sučurani.

A svitlo su mekli sa sjeverne bande od zgrade di Marijo stoji da koko ne šundra nogu,jerbo se po noči ništa nije vidilo. I ča ti je selo, odma je krenila priča da je oto svitla meklo radi Marija i to dokle san slikava sa ceste,ovi jedan iz aute je vika da neka napišen da je to radi Marija .Asti,a ka da če samo on tote prolazit.E.

Prošlu sedmicu je napravljen bogen na početku Starčevićeve za skrečanje u desno,prema Magistrali,šta se tiče male aute dobro je,a šta je sa šleperiman i kamijoniman sa prikolicon još nisan uspija slikat,ali u ovi sedan dan od kako je to gotovo, svaki put kad tote zalomin put gori,mislin da ču udrit u ovi njok ča čete ga vidit na slici: Ali,možda bi se to moglo riješit bez neki veliki radov,npr,ovi znak…

Iako je ujutro parilo da če proč lipo, bez kiše,tamo okolo deset manje kvarat počele su prve kapi,e i zamisto isprid crkvice od Sv.Luke,misa se održavala na rezervnomen položaju, (tajna lokacija) nima snimki,jerbo koja bi to onda bila tajna,E. A posli mise,naravno,po običaju dilija se fažol,za kojega su jedni govorili da ga je tribalo još malo kuvat,ovi drugi da je taman,a treči … A sad najpri pogledajte kako je to…

Jema več osan miseci da su po selu mekli nove znakove,a ovi ispod topa na Glavici koji je totalna zbunjoza i dalje stoji tote.Pa jeli jema koko ča prati ote znakove ča se mečedu,jer znakovi koji zbunjujedu u prometu su vrlo opasni.   Na ovome znaku vidimo da ovi ča gre odozgara jema prednost,dok oni odozdala triba čekat. A onda bi u ovemu okruglomen znaku ispod znaka stop strelice tribale…

Nakon pet godin šta je mural napravljen, vrimenski utjecaji su učinili svoje,a izbliđeni mural ovega vikenda članovi Torcide Kaštila su opet obnovili.

“Muška B” ekipa Sučurački vatrogasac je na Državnomen natjecanju održanomen ove subote u Puli osvojila prvo misto. A na videju od DVD-a Mladost morete vidit kako su jučera Državni prvaci dočekani:

  U sridu se u našoj crkvi povodon 72. godišnjice smrti  fra Bernardina Sokola održala misa zadušnica posli koje su prisutni išli do biste pored koje se nakon odrišenja položilo cviče i upalile šterike.    

U Starčevićevoj ulici u našemu selu su kako vidin pripremni radovi pri kraju i ako ne ove sedmice,onda jema bit da čedu onu tamo drugu počet sa asvaltiranjen,a od prvoga dana kad su radovi počeli ukaza san na problem di se na jedno misto nakon kiiš najedan put iz zemlje pojavi voda, koja daniman i daniman zna odit ovako ka ča vidite na slikan i mislija san da če se…