Evo ovako je to danas bilo okolo podne manje kvarat i svi su se čudili kako govna po ko zna koji put opet tote izlazidu kad su ovu zimu radili nova prispajanja za one građevine ča su navr rive i spajali ji na “novu” kanalizaciju?

Danas točno na uru manje kvarat Kurobasa je po ko zna koji put zaronija,ovi put za potribe policije,jerbo je ovo kako su se zaredale puste krađe niko od oti sudionikov,a ko zna jeli je možda i iz dučana koji je pri dvi večeri u Sučurcu opljačkan, itnija doli ispod opčine kasu u more. Zanimljivo je da otega ča ju je ukreja nije zanima sitniš od kune i dvi koji je…

Dvadeset i sedan desetoga pri sedandeset i jednu godinu,dan nakon ča je oslobođen Split, partizani su oslobodili i Kaštila. Bilo to komen drago ili ne,ali tako je to bilo.

Ritki su momenti da kad koko doli u Vitturija ništo promovira,oli drži koje predavanje da oti prostor bude do kraja ispunjen,a to je sinoč bija. A di neče kad je u goste opet doša Krešimir Mišak, urednik i voditelj HRT-ove kultne emisije „Na rubu znanosti“ u kojoj morete čut o onome di nigdi na drugo misto ne morete,a da ima svoje fanove,neka je emisija u kasniman uran, pokazatelj su pune…

Za one ča i dalje neznadu ovo gori na slici je Sučuraški prirodni (sunčani) sat po kojemu su se naši stari ravnali,a popularno je nazvan “klini”. Od danas se počimlje računat po zimskomen vrimenu (sat se miče uru nazad) tako da če se zamisto u šest od danas počet smračivat u pet uri popodne (bljak).I nemojte zaboravit da sviče na autan tribadu cilo vrime gorit,ne palite auto sa svičan jerbo…

Asti od kad nisan vidija ovako praznu cestu doli na našu rivu,a razlog je bija oti ča je šeta prometni redar i nesavjesniman vozačiman lipija kazne jerbo su tote parkirali aute iako je znak da se tote to nesmi radit.

Ka šta znate,a ima možda oni koji i neznadu da je u šesti misec u Kaštiliman počeja sa radon prometni redar. Nečemo sad o tomen da je jedan jedini redar na cila Kaštila koja se protižedu u dužinu od jednu petnajestak kilometri,ispod Kaštelanske ceste, navr Kaštelanske ceste, šta je ujedno i ispod magistrale, ali i navr Magistrale, kojemu za da bi sve to prispija kvalitetno obač  triba helikopter. Nečemo ni…

A jeli se sičate lani kad san pisa text o Spličaniman koji su prošle godine u organizaciji Udruge Sunce na Dan bez aut sa biciklan učinili đir od Banovine do Žnjana, a čiji je cilj međuostalin bija i ukazivanje na nedostatak biciklistički staz u gradu Splitu. I ča se ovu godinu dogodilo? A ove godine grad Split je svečano otvorija okolo jedanajs kilometri obilježene biciklističke staze sa svon pratečon siglalizacijon…