Prije koji dan san odija doli fičon priko rive i sve mi je ka nikako bilo neobično,ništo mi je ka falilo,a nikako se sitit šta i ni mi da vrag mira pa san ostavija fiču i vratija se nanoge i tek kad san vidija bobijicu kako objašnjaje ovemu u crvenu autu gledan i vidin kako ne vidin nijedan parkirani auto u donju traku o ceste. Ajde neka,bar eto liti neka…

Je li greš na Barbarinac? a ča ču odit kad je svaku godinu sve isto,kako isto? a lipo isto i to ama baš sve isto. I roštilj je uvik na isto misto,državna i zastava od maškar na kavaliman navr roštilja,isti ljudi na njemu pečedu, isti točidu piče,svako ča dođe na isto misto ga moreš nač tamo di je bija i lani,mužika isto tako… Ovako je nikidan išla priča između desetak…

Prvi se sa početkon u sedan ipo popodne dogodija u našoj Gradskoj knjižnici di su stihove od Hrvaski pjesnika govorile Milojka Vicetin i Ivana Bašič,a od dice Andi Rodin, Lara Tuta, Lara Žuvela i Paola Orošnjak,pa su onda iza toga stihove od Nade Jerčič čitale Ema Braškin i Vanesa Grgas,a stihove iz svoji zbirki o pisam govorija je i Miroslav Luketin Sarajčev dok je to sve na gitari popratija Marino…

Cemex je o ovome danas da izjavu za javnost di se govori da se ovo šta vidite na slici dogodilo zbog ispada napona u HEP-ovoj elektro mriži zbog čega je došlo do prekida rada peči i mlina sirovine. Evo slike od lani u sedmi misec ča ji ono @Lilihipa nije uspilo pribacit:

Udruga Zvona Kaštela Doktora Alfirevića 3 21212 Kaštel Sućurac Objava za medije Kaštelanski bazen, dom oko 350 000 stanovnika, povijesno je onečišćavan a posljedice takvog djelovanja vidljive su još i danas. Bilo kakvo novo povećanje onečišćenja imalo bi katastrofalne posljedice za zdravlje ljudi i gospodarstvo ovog kraja, stoga oštro osuđujemo postupak Ministarstva zaštite okoliša i prirode, te se protivimo Dozvoli za korištenje goriva iz otpada izdano tvrtki Cemex Hrvatska d.o.o….

A šta ču pisat? Eto jedino još nigdi nisan vidija da je ko ča reka o lutriji ča se je dilila. Treča nagrada bila je kanta od jupola,druga boca plina i prva bačvica o inoxa koju je dobila jedna familija sa malon i malin koji je svakako tija uč unutra.

A kad je to dimilo i di je dimilo? A jutros okolo sedan uri i ništo minuti da je ova naša cimentara u Sučurcu dimila. Asti u tu uru san ja još spava. Je,je dimilo je,a evo i slike. Ova je slikana jutros u sedan uri i deset minuti iz Staroga: Ova je slikana jutros u sedan uri i pedeset i šest minuti iz Kanbelovca:

Pri jušto 34 godine mene je dopalo ukrcat se u Resniku u JAT-ov DC-9 i do podne ulist u kasarnu. Zato mi je sve ove godine deseti sedmoga bija nako malo ka mrzak. A pri jušto 10 godin naš Filko je počeja pisat svoj blog “umorno_oko”: Ne znan kako bi drugovačije počeja vengo sa onon otrcanon floskulon “…pari mi se ka da je bilo jučera…” Danas je deset godin da…

Jema več i nikoliko dan da se po selu šuška da nan pop gre ča i nisan tija ništa o tomen pisat jerbo nebi bilo u redu da to čujete od mene. E,a sad mogu jerbo je jučera don Emanujel na misi obznanija da če se to dogodit i to tamo sredinon osmoga miseca.A pošto nediljon popodne u nas nima mise pa puno Sučurani gre na misu u Gomilicu kod…