Nikidan se na društveniman mrižan povela rasprava o kanalizaciji ča doli ispod crikve gre u more i puno se tote reklo,a ništa novo,ali moran ispravit one koji mislidu da je to ilegalni ispust,nije,tako se prije rješavala kanalizacija,sa cijeviman u more,a onda je prije tridesetak godin krenilo sa Eko Kaštelanskin zalivon-firmon koja je bila zadužena da ovi naš kanal,ča se vakvi stvari tiče,napokon dovede u red i ispusti u more poput…

Pitalo me nikidan da kako san ono napisa da če ovo lito Maještral uzmuljat more koje če zbog ostatak od srušenoga mula bit kafeno,a nisan baš toliko vidovit šta če bit ovega lita kad popodne punedu oni jaki Maještrali,ali sadašnjost baš ne obečava,ovo je snimljeno jučera popodne kad je puva slabašan Maještralič,more je izgledalo evo vako: A ono materijala koje je ostalo od rabijenoga muleta je i po pličaku i…

Jema biče desetak daan da je završilo radove na Novemu putu koji su prema predviđanjiman tribali trajat misec daan i svi smo se veselili kako je to čak par dan pri roka završeno,kad najedanput, po sredini ceste meklo je onu okomitu “zebru sa kosiman crtan”jerbo je tamo di su se činili radovi ulega asvalat i oto znaka je meklo da se ne otvori rupetina i još koko nastrada,a po selu…

Nakon šta je jema dvadesetak daan “popravljeno”ulegnuče šahte za odvodnju oborinski vood tamo blizu Đardina,ima par daan da je na oto misto meklo okomitu signalizacija,jerbo ka ča san onda napisa kako je sređena posljedica,okolo šahte je asvaltiralo,a uzrok koji se nalazi ispod zemlje je i dalje osta,ali jema bit da se napokon uspilo vidit da oto posla nije učinjeno kako triba pa se meklo oto znaka ka upozorenje,a valjda če…

Zvalo me jučera,zaustavljalo po selu nji,neznan ni sam broj,a sve zbog radov ča su se počeli činit doli na plaži Sokolana,a bilo je i oni sa baketinan,ka ono,eto ruši ti oni mujal,a ti si bija protiv toga,a znadu vrlo dobro zašto san ja bija protiv toga lani u drugi misec na sjednici od Mjesnoga odbora,na kojoj san isto tako reka kad ču podržat rušenje otega muleta,pa zato evo podsjetnik,dijal onega…

Od sutra-ponediljak,pa do petka Kaštila če za sve penzionere dilit bonove od pedeset euri,a podignit ji morete od osan uri ujutro,pa do jedne ure pozapodne u prostorijama Sučuračkoga Mjesnoga odbora,isto tako bonove če dobit i nezaposleni…, koji su na Zavodu evidentirani na dan 31.ožujka,a bonove moredu predignit na ulazu sporske dvorane na Sokolani…

I dok je večina svita zabrinuta i za pinkicu dima ča se diko vidi da gre iz otega fumara vanka,pa sad izgleda ka ono tankoga dima od španjuleta,jema i oni mudraci ča znadu reč,a nije van smetalo onda kad je u doba mraka dimilo,a ča na oto reč,a ništa,jerbo ča otemu govorija da govorija,isto je ka da si sa zidon razgovara,ali opet ne moreš odolit,a da mu ne rečeš,a je…

Ovo dima ča se vidi da izlazi iz fumara je bilo okolo podne ipo,bar kad san ja slika,kad je počeja neznan,ali znan da san odija iz pravca Splita prema selu i to je dima bilo puno više,nego ča čete ga vidit na slici,e i promislija san,ovo su biče opet uputili peč,ali nije,jerbo je nakon desetak minuti oto dima nestalo,a kad se uputi peč onda to traje diko i više od…

Je li se moglo drugačije,pa da pusti promet nakon zatvaranja žile kucavice našega mista ne gre kroza selo,komentari su di se ko okreneš? A moglo se,znalo se kad če radovi počet,koliko ota cesta znači za naše misto,da če po predviđanjiman radovi trajat okolo misec daan,šta je,ako ostane na ovome roku,dugi period,jerbo veliko opterečenje prometa kroza naše selo za sebon povlači i veči rizik za moguče posljedice,pa se po selu naveliko…