Jučera su članovi moto kluba Uspomene na našoj Rivi učinili lipo druženje di se kuva fažol,a naravno,odma oni šta gledadu sa strane i na sve bacadu pecete,ni ovi pu nisu mogli mučat,pa je bilo,da ča su jemali ovde na rivu se doč pokaživat,oli nisu fažol mogli doli u svoje prostorije na Sokolanu izist. A jesu,mogli su,ali oni se nisu našli da bi sami sebi skuvali,pa izili,več su to učinili da…

Jema tri dana da je meklo one krune na one doli kandelabre na rivu,naravno,uz ona dva neizostavna baluna koja več jemadu svoje dugogodišnje tratove u koje ji mečedu,ali nas je zato iznenadija oni svitleči bor kroza koji se more prolazit,pa je ka taki ispa atrakcija.Ali ljudima baš i nije selo misto di je oto bora meklo,pa je bilo,najpri su zabranili promet autan,jerbo kako su nan objasnili je to misto velike…

I to nasrid sride rive,točnije onu novu koju su mekli tamo di je bila ona stara koju su bili makli  jerbo su tote mislili ukopat oni podzemni kontejner,e i nije otega bilo briga oče li ga koko vidit,jerbo nakon ča je otu klupu odvida,a nije se fala bogu pomučija,jerbo su vide i matice bile lipe nove,a ne ka na oniman drugiman,grube i ruzinave,tribalo je otu klupu i odnit,a sad jeli…

Ono bidnoga solarnoga panela na pametnoj klupi ča se nalazi na našoj rivi je jema par daan niko baš ono ča se reče,junački dokrajčija. Biče oti sigurno sad kad prolazi kraj klupe s ponoson gleda na svoje “remek djelo”?

Jučera je na Novomen putu po ko zna koji put pukla cijev od vode i ka šta je to bivalo do sad i ovi put je, osin rijeke vodurine šta je poplimala cilu rivu,opet razdrmalo dijal asvalta,a onda priče po selu,da koji je ovo put,pa se počelo brojit i jedan je doša do broja da bi ovo moglo bit i osmi,ako ne deveti,a možda i deseti,ako ne i je…put. Koji…

Jučera kad san doša na rivu odma je bilo prston put rupe kako je zakrpilo i da je nji pet došlo,a onda priče kako je ovi urgira,nije zbog toga,nego ovoga drugoga,a ko zna bili oto rupe i zatrpalo da jučera nisu bili u selo za asvaltirat oni kanal navr anbulante,pa je eto ostala koja lopata materijala i za ovo rupe zatrpat.

Opet rasprava po selu,a onda ideš smirit situaciju,pa to je sigurno radi grubega vrimena,a jeli,a ča doli u donja Sela ne pada kiša,biče Kaštila u tri vrimenske zone pa su tamo uspili meknit,a i koliko su doli toga mekli biče za nas nestalo,ma vidi sad tebe,ama čekaj malo,jesmo li mi Grad,jesmo,e i sad ako je doli u Lukšič u oni park meklo razna osvitljena čuda,to je isto ka u Split…

Evo,u petak je nas par ča smo se našli na Rivu reklo komunalnoman redaru,on je slika i sad triba čekat rezultat. A ča je najgore od svega jema nikoliko daan da su po selu iskričali oni takozvani suvi asvalat u rupe sličnu ovoj.A biče se ova kad su kraj nje prolazili, sakrila? Ili,sigurno mislidu ovde cili kvadrat ipo asvalta izrizat i novi meknit,jerbo je kako vidimo, sve ispucalo?Aha,sigurno.

Pitadu me u selu,a ja ka ono neznan o čemu se radi govorin jin,a oli ne vidite tri buketa,jedan od udruge Antifašisti i ona dva od Grada i Mjesnoga odbora,a da koga ja,da prostite, zajebajen,pitadu oni mene,a nikoga i mora sa sa njiman doč na lice mista i pokažijedu mi traku od jednoga i drugoga buketa di se vidi kako na oba piše grad Kaštila i okričedu se prema meni,a…